Ва Украіне выпрабавалі FPV-дроны на оптавалакне з далёкасцю больш за 20 км
5- 1.04.2025, 20:19
- 5,692
Фота.
Кластар абаронных тэхналогій Brave1 правёў першыя ва Украіне выпрабаванні оптавалакновых FPV-дронаў, здольных пераадольваць адлегласць некалькі дзясяткаў кіламетраў. Пра гэта паведаміла прэс-служба Brave1.
Больш за 15 вытворцаў БПЛА пратэставалі свае вырабы на палігоне, дзе пераадольвалі маршрут даўжынёю больш за 20 км з перашкодамі і імітавалі заход на цэль.
Калі раней далёкасць палёту такіх дронаў складала ўсяго 5–10 км, то цяпер паспяхова пратэставалі варыянты, здольныя збіваць цэлі на адлегласці большай за 20 км.
Сярод пераваг FPV-дронаў на оптавалакне:
→ поўная непаражальнасць да РЭБ – такія дроны змогуць выконваць баявыя заданні, нягледзячы на радыёэлектронныя перашкоды;
→ нябачнасць для ворага – адсутнасць радыёвыпраменьвання робіць немагчымым іх выяўленне сродкамі радыёвыведкі;
→ якасная сувязь – стабільная і выразная перадача відэа нават на вялікіх адлегласцях;
→ адсутнасць уплыву чынніку радыёгарызонту.
На мерапрыемстве прысутнічалі таксама сем вытворцаў наземных рабатызаваных комплексаў (НРК) на оптавалакне, якія правялі тэставы заезд.
«Оптавалакно – гейм-чэнджар у супрацьстаянні сувязі і радыёэлектроннай барацьбы, бо падае стабільную сувязь, на якую не дзейнічаюць сродкі РЭБ. Мы вельмі зацікаўленыя ва ўкараненні оптавалакна, каб нашы НРК маглі дзейнічаць на вялікіх адлегласцях і дапамагаць нам знішчаць ворага яшчэ больш эфектыўна», – адзначыў кіраўнік службы рабатызаваных сістэмаў батальёна «Ваўкі Да Вінчы» капітан Аляксандр Ябчанка.
Дрон на оптавалакне – гэта FPV-дрон, які кіруецца праз оптавалакновы кабель. Відэасігнал таксама перадаецца па гэтым кабелі. Такім чынам, пры кіраванні дронам на оптавалакне не выкарыстоўваюцца радыёчастоты і ён не рэагуе на дзеянне сродкаў радыёэлектроннай барацьбы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
