У полацкім калгасе «Блізніца» з пачатку года загінула 70 галоў жывёлы

Калгасам кіраваў 27-гадовы Павел Плакса.

У полацкім сельскагаспадарчым унітарным прадпрыемстве «Блізніца» з пачатку года загінула 70 галоў жывёлы. У дачыненні да 27-гадовага выканаўцы абавязкаў кіраўніка гаспадаркі Паўла Плаксы распачалі крымінальную справу за службовую халатнасць, піша тэлеграм-канал «Віцебск, я гуляю!».

У гаспадарцы «Блізніца» ў Полацкім раёне са студзеня да сакавіка загінула 70 галоў буйной рагатай жывёлы. Прычынай названая безгаспадарлівасць: жывёлы ўтрымліваліся без належнага догляду, не праводзілася вакцынацыя і прафілактыка. Страты склалі амаль 70 тысячаў рублёў.

Выканаўца абавязкаў дырэктара СУП «Блізніца» Павел Плакса паспеў папрацаваць кіраўніком гаспадаркі менш за год – цяпер супраць яго пачатая крымінальная справа за службовую халатнасць.

Як піша «Віцебск, я гуляю!», Павал ужо трэці за апошнія пару гадоў кіраўнік «Блізніцы», які стаў фігурантам крымінальнай справы.

«Летась у сацсетках распаўсюджвалі сведчанні, як пры дырэктару Раману Хімянкову жывёла гіне ва ўласных адкідах, кармоў не стае, тэхніка ў загоне, а з дакументаў усё ў парадку. Дырэктара абвінавачвалі ў фіктыўных прэміях, знікненні жывёлы, гандлі металаломам і каровамі міма касы і нават у тым, што ён не расплачваўся за ежу, замоўленую для падначаленых», – піша выданне.

А да яго ў «Блізніцы» працаваў Браніслаў Піліпёнак. Яго судзілі за прэміі самому сабе на фоне нявернутых запазычанасцяў за электраэнэргію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com