Белы дом: Трамп наведае Саудаўскую Аравію ў траўні

Гэта будзе першы замежны візіт прэзідэнта ЗША.

Прэзідэнт ЗША Дональд Трамп наведае Саудаўскую Аравію ў траўні. Пра гэта ў аўторак, 1 красавіка, заявіла прэс-сакратарка Белага дому Караліна Левіт падчас брыфінгу з журналістамі.

«Прэзідэнт накіруецца ў Саудаўскую Аравію ў траўні. Што тычыцца канкрэтных датаў і дэталяў, мы паведамім іх вам, як толькі зможам», – сказала Левіт.

Левіт заявіла, што Вашынгтон прадаўжае працаваць над спыненнем агню ва Украіне. Аднак датычна сітуацыі ў Газе яна не згадала пра спыненне баявых дзеянняў, а адзначыла падтрымку Ізраілю.

Напярэдадні Трамп заявіў, што плануе наведаць Саудаўскую Аравію і іншыя краіны Блізкага Усходу «ў наступным месяцы».

Дакладных датаў Трамп не агучыў, але ўдакладніў, што гэта можа адбыцца «ў наступным месяцы ці, магчыма, крыху пазней». Паводле словаў прэзідэнта, ён збіраецца ў Катар і ў «некалькі іншых краінаў».

31 сакавіка выданне Axios паведаміла, што Трамп плануе наведаць Саудаўскую Аравію ў сярэдзіне траўня падчас свайго першага замежнага візіту.

Патэнцыйную паездку абмяркоўвалі ў апошнія тыдні паміж высокапастаўленымі чыноўнікамі ЗША і іх саудаўскімі калегамі, сярод іншага датычна перамоваў аб вайне Расеі супраць Украіны, якія адбыліся ў Саудаўскай Аравіі, паведамілі крыніцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com