Ізраіль скасоўвае мыты на ўсе тавары з ЗША
6- 1.04.2025, 21:28
- 7,064
ЗША – найбуйнейшы гандлёвы партнёр Ізраіля.
Урад Ізраіля прыняў пастанову пра поўнае скасаванне мытаў на імпарт тавараў са Злучаных Штатаў Амерыкі.
Пра гэта паведаміў у Facebook прэм'ер-міністр Ізраіля Біньямін Нетаньяху.
«На ўказанне прэм'ер-міністра Біньяміна Нетаньяху, міністра фінансаў Бецалеля Смотрыча і міністра эканомікі і прамысловасці Ніра Барката, Ізраіль скасаваў усе мыты, якія да гэтага часу спаганяліся з тавараў з ЗША – найбуйнейшага гандлёвага партнёра Ізраіля», – гаворыцца ў паведамленні.
Адзначаецца, што пасля зацвярджэння камісіяй у фінансах і падпісання міністрам эканомікі і прамысловасці ўказа пачне дзеянне папраўка да пастановы аб гандлёвых мытах і ахоўных захадах, у выніку чаго будуць скасаваныя мыты на ўвесь імпарт з ЗША.
У ізраільскім урадзе адзначылі, што ЗША з'яўляюцца найбліжэйшым хаўруснікам Ізраіля, а таксама ягоным найважнейшым гандлёвым партнёрам. У 2024 годзе экспарт тавараў у ЗША склаў 17,3 млрд даляраў, а экспарт паслуг быў ацэнены на 16,7 млрд даляраў.
Там таксама дадалі, што пагадненне пра зону свабоднага гандлю паміж Ізраілем і ЗША, заключанае ў 1985 годзе, прывяло да таго, што пераважная большасць (прыкладна 99%) тавараў, якія імпартуюцца з ЗША, ужо поўнасцю вызваленая ад мытаў. Такім чынам, зніжэнне мытаў закране вельмі абмежаваную колькасць тавараў у катэгорыі харчовага і сельскагаспадарчага імпарту з ЗША.
Адзначаецца, што скасаванне мытаў фактычна пашырыць гандлёвае пагадненне паміж Ізраілем і ЗША і ўмацуе стратэгічныя стасункі паміж краінамі. Яно таксама нясе патэнцыйную выгаду для ізраільскіх спажыўцоў у выглядзе магчымага зніжэння кошту жыцця дзякуючы чаканаму павелічэнню імпарту харчовых і сельскагаспадарчых тавараў з ЗША, якія цяпер будуць абкладацца нулявой мытай.
«Скасаванне мытаў на амерыканскія тавары – яшчэ адзін крок у палітыцы, якая праводзіцца ўрадамі пад маім кіраўніцтвам: адкрыццё рынку для канкурэнцыі, павелічэнне разнастайнасці тавараў і зніжэнне кошту жыцця. Апроч эканамічных выгодаў для эканомікі і грамадзянаў Ізраілю, гэты крок дазволіць нам яшчэ больш умацаваць звяз паміж Ізраілем і ЗША. Мы прадоўжым працаваць над ухіленнем бар'ераў і мытаў, а таксама над умацаваннем нашых асаблівых стасункаў з ЗША», – падкрэсліў Нетаньяху.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
