Менскі завод «Атлант» сыходзіць у прастой

Пры гэтым супрацоўнікаў на прадпрыемства працягваюць набіраць.

Менскі завод бытавой тэхнікі "Атлант" з 28 красавіка да 12 траўня ідзе ў вытворчы простой. Пра гэта «Еврорадио» даведалася, патэлефанаваўшы ў аддзел кадраў прадпрыемства пад выглядам беларуса, які шукае працу.

Мы правяралі інфармацыю ад крыніцы, якая паведаміла, што “Атлант”спыняе працу з 21 красавіка да 8 траўня.

Высветлілася, што завод працягвае шукаць працоўных, але найбліжэйшым часам робіць перапынак у рэкрутынгу - праз афіцыйныя двухтыднёвыя выходныя, якія пазначаныя ў вытворчым календары "Атланта".

Прастоі ў Беларусі

Апошнім часам прастоі на беларускіх заводах - агульная практыка.

Раней Еўрарадыё пісала, што сыходзіць у прастой да 12 траўня і скарачае штат завод "Акумулятарны Альянс" (былы "АйПаўэр)". З чым звязана неабходнасць прастою і колькі супрацоўнікаў скароцяць, у кампаніі не растлумачылі.

Аб фінансавых праблемах прадпрыемстваў Гомельшчыны інфармавала выданне "Флагшток". Так, на заводзе “СтанкаГомель” заробкі ўпалі, а супрацоўнікаў адпраўляюць у адпачынак за свой кошт.

На Заводзе ліцця і нармаляў («ЗЛіН»), які ўваходзіць у склад вытворчага аб'яднання “Гомсельмаш”, прыйшлося браць крэдыт у банку, каб выплаціць працоўным заробкі ў пачатку 2025 года.

Затрымкі заробкаў былі і на “Беларускім металургічным заводзе”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com