Беларускія банкі ўводзяць змены для пераводаў
1- 11.04.2025, 20:35
- 8,626
Ёсць і іншыя навіны.
У банкаў з'явіліся змены для грашовых пераводаў. У адных вырасла камісія за такія паслугі, у іншых - знізілася. Ёсць і іншыя новаўвядзенні для пераводаў, піша «Зеркало».
«ВТБ Банк» з 24 красавіка павысіць тарыфы за пераводы з існых рахункаў фізічных асоб у іншыя банкі - як беларускія, так і замежныя. У айчынныя фінустановы камісія будзе 2% ад сумы, у замежныя - 2,5%. Змяненні закрануць пераводы ў беларускіх рублях, далярах, еўрах і юанях, а ў расейскіх рублях — не.
З 1 красавіка «Тэхнабанк» змяніў камісію для фізічных асоб за пераводы за межы банка ў далярах. З гэтай даты яна складае 30 даляраў і 1% ад сумы. Але збор не можа быць большы за 350 даляраў.
«БСБ-Банк» пашырыў спіс валют, якія можна адправіць праз яго сэрвіс пераводаў з карткі на картку. Цяпер гэта не толькі беларускія рублі, але таксама даляры і еўры. Ліміты на адзін перавод — 2000 рублёў, 500 даляраў ці еўраў.
«Альфа-Банк» з 1 красавіка ўвёў плату за тое, што будзе адпраўляць заявы кліента-аплатніка на вяртанне памылковых пераводаў грошай. Збор - 20 рублёў за адно такое вяртанне.
«Сбер Банк (Беларусь)» знізіў камісію для некаторых пераводаў у кітайскіх юанях, а таксама ў індыйскіх рупіях.
«Нэа Банк Азія» змяніў камісію для міжнародных грашовых адпраўленняў. Калі гаворка аб пераводах сродкаў у амерыканскай валюце, то цяпер збор складае 50 даляраў і 1,3% ад сумы (але не больш за 330 даляраў), а калі ў казахстанскіх тэнге, то 0,5% (мінімум 25 даляраў, максімум — 150).
«Альфа-Банк» увёў магчымасць пераводу з адной карткі на іншую праз спецыяльны вэб-дадатак (патрабуецца ўваход у акаўнт карыстальніка). Удакладняецца, што ён даступны не толькі кліентам гэтага банка.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
