Экспэрт спрагназаваў тры варыянты паводзін ЗША ў дачыненні да Украіны

"Можа з'явіцца нешта падобнае на лэндліз".

Цяпер ёсць тры магчымыя сцэнары паводзін Злучаных Штатаў Амерыкі наконт вайны ва Украіне.

Пра гэта ў каментары YouTube-каналу РБК-Украіна заявіў палітолаг Алег Саакян.

Паводле ягоных слоў, першы варыянт - гэта выкарыстанне Расеяй ЗША як інструмента ціску на Украіну. Больш магчымы сцэнар - калі прэзідэнт ЗША Дональд Трамп проста самаўхіляецца і "махае рукой" на вайну, не ўмешваючыся ў сітуацыю.

Самым верагодным экспэрт назваў сцэнар: Трамп думае, што "нічога тут не зробіш", і перадае адказнасць за развязанне канфлікту Еўропе. У гэтым выпадку ў ЗША разгортваецца апаратная барацьба, у якой, на думку экспэрта, можа перамагчы крыло дзяржсакратара Марка Рубіё - адэкватныя галасы, якія падтрымліваюць абмежаваны санкцыйны ціск на Расею і даюць Украіне дапамогу - зброю, але выключна за аплату.

На думку Саакяна, на лэндліз разлічваць не варта, хоць нешта падобнае можа з'явіцца, калі пазіцыі Трампа аслабнуць.

“Цяпер я не бачу сцэнара, што ЗША адчыняюць усе засекі для Украіны і прадаюць усё, аддаюць усё”, - падкрэсліў Саакян.

Ён таксама нагадаў, што нават F-16, якія вырабляюцца ў ЗША і з'яўляюцца найбольш шматлікімі ў іх авіяпарку, амерыканцы не пастаўлялі Украіне - гэта робяць іншыя краіны.

“І Patriot нават прадаваць Трамп не хоча”, - дадаў ён, прагназуючы, што наперадзе ў Кіева яшчэ вельмі жорсткія перамовы са Злучанымі Штатамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com