Пуціна зноў злавілі на хлусні

Сотні жаўнераў тэрміновай службы сталі «грузам 200» у вайне супраць Украіны.

Салдаты тэрміновай службы ў Расеі не толькі бяруць удзел у агрэсіі супраць Украіны, але і масава на ёй гінуць, паведаміла расейскае выданне ASTRA.

Журналістам з дапамогай украінскага праекта "Хачу знайсці" ўдалося ідэнтыфікаваць 218 салдат тэрміновай службы РФ, якія пазбавіліся свайго жыцця падчас так званай «СВА». Відавочна, што рэальная колькасць значна большая.

Самыя сур'ёзныя страты жаўнеры тэрміновай службы панеслі падчас прарывы Сіл абароны Украіны ў Курскую вобласць. Тады высветлілася, што значная колькасць салдат тэрміновай службы была пастаўленая на ахову расейскай мяжы, бо прафесійныя войскі задзейнічаны ва ўварванні ва Украіну.

«Рэдакцыя ASTRA не паспела праверыць увесь спіс, але выбарачная праверка паказвае на тое, што табліца, прадстаўленая праектам «Хачу знайсці», выглядае дакладнай. Большая частка верыфікаваных фігурантаў загінула падчас баявых дзеянняў на прымежных з Украінай тэрыторыях - у Курскай і Белгародскай абласцях», - піша ASTRA.

Пуцін некалькі разоў абяцаў, што жаўнеры тэрміновай службы нібыта не будуць прымаць удзел у агрэсіі супраць Украіны. Упершыню ён заявіў гэта неўзабаве пасля пачатку так званай «СВА» - у сакавіку 2022 года.

«Падкрэслю, у баявых дзеяннях не ўдзельнічаюць і не будуць удзельнічаць салдаты, якія праходзяць тэрміновую службу! І не будзе праводзіцца дадатковы набор рэзервістаў з запасу (мабілізацыя - рэд.). Пастаўленыя задачы развязваюць толькі прафесійныя вайскоўцы», - сцвярджаў дыктатар РФ.

Кровапралітная вайна працягваецца ўжо больш за тры гады. Страты УС РФ у ёй засакрэчаныя, але вядома, што гаворка ідзе пра сотні тысяч ліквідаваных расейскіх вайскоўцаў, у тым ліку, тэрміновай службы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com