Кітай «абакраў» Расею і пачаў рэзка адмаўляцца ад яе зброі

РФ страчвае статус галоўнага зброевага партнёра Кітая.

Плынь расейскай зброі ў Кітай імкліва скарацілася пры кіраванні ў РФ дыктатарскага рэжыму Пуціна. Замест набыцця зброі ў РФ Паднябесная аддала перавагу масаваму крадзяжу тэхналогій і капіянню расейскіх сістэмаў узбраенняў, гаворыцца ў матэрыяле The Moscow Times.

Выданне прыводзіць звесткі аналітычнага цэнтра ChinaPower, паводле якіх у перыяд з 2009 да 2023 года пастаўкі расейскай зброі ў КНР упалі на 40% у параўнанні з папярэднімі 15 гадамі.

З чым звязанае абвальванне паставак

Прычыны – не толькі вайна ва Украіне, але і доўгатэрміновая стратэгія Кітая ў кланаванні расейскіх сістэмаў і прамысловым шпіянажы.

З пачатку 2000-х зафіксавана сама менш два дзясяткі хакерскіх нападаў і прамысловага шпіянажу, у тым ліку з выцечкай звестак з авіяцыі і спадарожнікавых тэхналогіяў. Толькі з 2021 да 2023 года адбылося чатыры выцечкі, якія закранулі аэракасмічную і лазерную сферу. Напрыклад, яшчэ ў 2004 годзе ў Расеі былі асуджаныя сем чалавек за перадачу засакрэчаных звестак кітайскаму боку.

Паралельна Кітай сістэматычна парушаў ліцэнзійныя дамовы, клануючы расейскую вайсковую тэхніку. Прыклады – знішчальнік J-11 на базе Су-27 і зенітны комплекс HQ-9, візуальна і тэхнічна падобны на С-300. У 2019 годзе дзяржкарпарацыя «Растэх» паведаміла пра 500 выпадкаў неправамернага капіявання сваёй прадукцыі, непасрэдна абвінаваціўшы КНР у кланаванні розных відаў ваеннай прадукцыі.

Курс Кітая на незалежнасць ад расейскай зброі

На гэтым фоне Пекін паслядоўна скараціў набыццё арыгінальнай расейскай тэхнікі, наладжваючы ўласную вытворчасць. Аднак у адной ключавой сферы залежнасць захоўваецца – авіяцыйныя рухавікі. З 2017 да 2023 года яны склалі больш за палову кошту імпарту ўзбраенняў Кітая, і асноўным пастаўшчыком заставалася Расея. Аднак і ў гэтым кірунку Паднябесная актыўна развівае ўласную лінейку сілавых установак, каб ухіліць і гэтую залежнасць.

Змена роляў у вайсковых стасунках Пекіна і Масквы

У існых умовах цяпер ужо РФ усё часцей звяртаецца да КНР як да асноўнага пастаўшчыка кампанентаў і тэхналогій. Паводле звестак амерыканскай выведкі, Пекін пастаўляе Маскве камплектавальнікі двайнога прызначэння: дроны, паўправаднікі, дэталі для знішчальнікаў, сістэмы РЭБ і асабліва станкі з ЧПУ, якія маюць крытычнае значэнне для ваеннай вытворчасці.

Са студзеня 2022 года аб'ём паставак такіх станкоў павялічыўся амаль у 10 разоў – з $ 7 млрд да $ 68 млрд на месяц. Пры гэтым Пекін па-ранейшаму афіцыйна адмаўляе пастаўкі вайсковай прадукцыі Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com