NYT: Кітай перастаў набываць звадкаваны газ у ЗША

Пекін адлучаецца ад амерыканскай эканомікі.

Кітай поўнасцю перастаў набываць звадкаваны прыродны газ у ЗША пасля ўвядзення 15% тарыфу на пастаўкі ЗПГ 10 лютага.

Пра гэта паведамляе РБК-Украіна са спасылкай на The New York Times.

Як паведамляе выданне, звесткі адсочвання караблёў сведчаць, што Пекін прадаўжае адлучацца ад амерыканскай эканомікі. Паводле інфармацыі мытнай службы Кітая, кітайскі імпарт ЗПГ з ЗША ўжо ўпаў да нізкага ўзроўню ў перыяд з лістапада да студзеня.

У той самы час Кітай пашырыў набыццё ў Расеі, якая летась паставіла ў краіну ў чатыры разы больш звадкаванага газу, чым Злучаныя Штаты.

Толькі два грузавыя караблі з ЗПГ з ЗША накіроўваліся ў Кітай, калі Пекін увёў тарыфы на амерыканскае выкапнёвае паліва ў адказ на першы раўнд 10-адсоткавых тарыфаў на кітайскія тавары, уведзеных прэзідэнтам ЗША Дональдам Трампам.

Паводле звестак бельгійскай энэргетычнай кампаніі Kpler, адзін карабель прыбыў у Кітай да таго, як тарыфы пачалі дзеянне, і выгрузіў свой груз, а іншы накіраваўся ў Бангладэш, каб унікнуць тарыфаў.

NYT нагадала, што пастаўкі ЗПГ з ЗША ў Кітай рэзка выраслі пасля падпісання ў студзені 2020 года гандлёвага пагаднення паміж Пекінам і Вашынгтонам. Пагадненне змяшчала абяцанне Кітая павялічыць набыццё амерыканскага газу, але не абавязкова для выкарыстання ў Кітаі.

Потым яны рэзка ўпалі ў 2022 годзе, паколькі амерыканскі газ выпраўляўся ў Еўропу з высокімі коштамі пасля пастановы еўрапейцаў не набываць расейскі газ.

Паводле звестак мытнай адміністрацыі Кітая, летась на ЗША прыпадала 3% імпарту прыроднага газу ў Кітай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com