Пра Мікалая Статкевіча няма вестак ужо 800 дзён

Што адбываецца з лідарам беларускай апазіцыі?

Лідар беларускай апазіцыі, 68-гадовы палітвязень Мікалай Статкевіч трымаецца за кратамі без вестак, у рэжыме інкамунікада, ужо 800 дзён.

Гэта стала вядома ад ягоных сваякоў, паведамляе «Радыё Свабода».

Адміністрацыя Глыбоцкай калоніі паставіла яго на ўлік як «схільнага да экстрэмізму».

Жонка Мікалая Статкевіча Марына Адамовіч заявіла, што апошні раз яна нешта атрымлівала ад яго 9 лютага 2023 года.

Палітвязень быў асуджаны на 14 гадоў пазбаўлення волі, яго абвінавацілі ў «арганізацыі масавых беспарадкаў» (арт.293 Крымінальнага кодэкса Беларусі).

Мікола Статкевіч знаходзіцца ў калоніі ў максімальна жорсткіх умовах: палітыка трымаюць у адзіночнай камеры ў небяспечных для здароўя варунках. Стала вядома, што ў зняволенні Мікола Статкевіч двойчы перахварэў на COVID-19.

Галоўны рэдактар сайта Charter97.org Наталля Радзіна запатрабавала ад беларускіх уладаў абвергнуць атрыманую ад некалькіх крыніц інфармацыю аб магчымай смерці ў турме Мікалая Статкевіча.

«Пакажыце Мікалая Статкевіча, калі ён жывы, ягонаму самаму блізкаму і роднаму чалавеку - Марыне Адамовіч. Дазвольце ім спатканне ці хаця б відэазванок!

У адваротным выпадку ваша маўчанне будзе азначаць, што крыніцы маюць рацыю і на сумленні Лукашэнкі і ягоных карнікаў смерць яшчэ аднаго палітвязня», - заявіла Наталля Радзіна.

Да кампаніі «Пакажыце людзям Статкевіча!» далучыўся шэраг еўрапейскіх палітыкаў.

Нагадаем, што дэпутат Еўрапейскага парламента ад Літвы Пятрас Аўштравічус высунуў лідэра беларускай апазіцыі Мікалая Статкевіча на Нобелеўскую прэмію міру.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com