Кіраўнік нямецкіх каталікоў ударыў у Пуціна і РПЦ

Яны дзейнічаюць не па-хрысціянску.

Старшыня Канферэнцыі каталіцкіх біскупаў Нямеччыны Георг Бэтцынг (Georg Bätzing) назваў дзеянні Уладзіміра Пуціна «нехрысціянскімі» і раскрытыкаваў блізкасць Расейскай праваслаўнай царквы (РПЦ) і ўладаў РФ. З такімі словамі Бэтцынг выступіў у інтэрв'ю газеце Kölnische Rundschau, апублікаваным у суботу, 19 красавіка, напярэдадні Вялікадня, паведамляе «Нямецкая хваля».

«Пуцін з ягонай нацыяналістычнай маніяй велічы стаіць побач з маскоўскім патрыярхам у велікодную ноч і трымае ў руцэ свечку. Жахліва, што яны ўсё яшчэ хочуць выставіць свае нехрысціянскія дзеянні як хрысціянскія», - сказаў Бетцынг.

«Уварванне ва Украіну тры гады таму. Выбары Дональда Трампа. Гэта свет эгаістаў пад дэвізам: «Калі нехта думае пра сябе, то думае і пра ўсіх» - працягнуў біскуп. - «Але Вялікдзень піша супрацьлеглую гісторыю. Вялікдзень азначае: не, не калі кожны думае пра сябе, то думае і пра ўсіх. Але - калі кожны думае аб усіх». Бэтцынг заклікаў да любові да людзей і салідарнасці, назваўшы гэта «велікодным пасланнем».

Кіраўніцтва РПЦ за вайну ва Украіне

Пасля ўварвання РФ ва Украіну ў лютым 2022 года кіраўніцтва РПЦ падтрымала расейскія ўлады і адлучыла шэраг антываенна настроеных святароў. У сакавіку 2024 года грамадская арганізацыя «Сусветны рускі народны сабор» пад эгідай РПЦ і старшынствам патрыярха Кірыла назвала ўварванне ва Украіну «свяшчэннай вайной» і заявіла, што «ўся тэрыторыя сучаснай Украіны павінна ўвайсці ў зону выключнага ўплыву Расеі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com