Украіна вярнула з расейскага палону 277 абаронцаў

Гэта вайскоўцы, якія абаранялі Марыюпаль і іншыя кірункі.

У суботу, 19 красавіка, Украіна і Расея правялі абмен палоннымі, падчас якога дадому вярнулася 277 украінскіх вайскоўцаў. Як піша New Voice, пра гэта паведаміў Уладзімір Зяленскі ў Telegram.

Паводле словаў Зяленскага, ва Украіну вярнуліся вайскоўцы Узброеных сілаў Украіны, Нацыянальнай гвардыі, Дзяржаўнай спецыяльнай службы транспарту і памежнікі. Гэта вайскоўцы, якія абаранялі Марыюпаль і іншыя кірункі ў Данецкай, Херсонскай, Запарожскай і Луганскай абласцях.

Як дадаў украінскі прэзідэнт, усяго з пачатку поўнамаштабнай вайны дадому з расейскага палону ўдалося вярнуць ужо 4552 чалавек – вайскоўцаў і цывільных асобаў.

18 красавіка тэлеканал Sky News са спасылкай на крыніцу Reuters пісаў, што Украіна і РФ сёння правядуць новы абмен палоннымі пры пасярэдніцтве Аб'яднаных Арабскіх Эміратаў.

Папярэдні абмен палоннымі адбыўся 19 сакавіка. Тады Украіна вярнула з расейскага палону 175 абаронцаў. У Каардынацыйным штабе ў пытаннях абыходжання з ваеннапалоннымі ўдакладнялі, што з расейскага палону вярнулі 197 украінскіх абаронцаў. 175 вярнулася ў рамках абмену і 22 – падчас спецыяльных мерапрыемстваў.

Зяленскі ўдакладняў, што абмен палоннымі ў фармаце 175 на 175 рыхтаваўся загадзя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com