Сенат ЗША рыхтуе магутны санкцыйны ўдар па Крамлі
16- 2.04.2025, 7:54
- 24,070
Уключаючы 500% мыты на тавары з краін, якія купляюць расейскую нафту і газ.
Амерыканскія сенатары выступілі за жорсткія санкцыі супраць Расеі, у тым ліку 500% мыты на тавары з краін, якія купляюць расейскую нафту і газ.
Пра гэта паведамляе The Washington Times.
Сенатары ад Рэспубліканскай партыі Ліндсі Грэм і Дэмакратычнай партыі Рычард Блюменталь прадставілі законапраект аб увядзенні санкцый супраць Расеі за адмову ад доўгачасовага міру з Украінай.
Сярод 50 суаўтараў законапраекта ў Сенаце - аднолькавая колькасць рэспубліканцаў і дэмакратаў, што сведчыць аб шырокай двухпартыйнай падтрымцы ініцыятывы.
«У Сенаце Злучаных Штатаў дамінуе меркаванне, што Расея з'яўляецца агрэсаркай, і што гэтая жахлівая вайна і агрэсія Пуціна павінны спыніцца зараз і стрымлівацца ў будучыні», - гаворыцца ў супольнай заяве сенатараў.
Дакумент прадугледжвае як першасныя, так і другасныя санкцыі супраць Расеі і асоб, якія падтрымліваюць агрэсію Крамля супраць Украіны. Абмежаванні будуць ўжытыя, калі мірныя перамовы сарвуцца або пагадненне будзе дасягнутае, але парушанае Расеяй.
Дарэчы, закон можа ўвесці 500 адсоткаў тарыф на імпартныя тавары з краін, якія купляюць расейскую нафту, газ, уран і іншыя прадукты.
Гэта магло б даць пэўныя гарантыі прэзідэнту Уладзіміру Зяленскаму, які заявіў, што хоча, каб абарона ад новага расейскага вайсковага ўварвання была замацаваная ў дамове.
У дакуменце сенатары выказалі надзею, што ў 2025 годзе прэзідэнт Трамп і яго каманда «дасягнуць таго, што не ўдавалася свету ў мінулым: канчаткова спыняць расейскую агрэсію супраць Украіны і забяспечаць выжыванне свабоднай і дэмакратычнай Украіны».
«Гэтыя санкцыі супраць Расеі ўжо гатовыя і атрымаюць пераважную двухпартыйную, двухпалатную падтрымку, калі будуць прадстаўленыя на галасаванне ў Сенаце і Палаце прадстаўнікоў», - адзначылі аўтары дакумента.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
