СМІ: У МЗС Беларусі прызначылі новага прэс-сакратара

Інфармацыя з'явілася пасля 1 красавіка.

У Міністэрстве замежных спраў Беларусі змянілі прэс-сакратара. Такая інфармацыя 2 красавіка з'явілася ў неафіцыйным Telegram-канале беларускага замежнапалітычнага ведамства, перадае «Тэлеграф».

«Новая інфармацыйная мятла ў МЗС. Ходзяць чуткі, што ўжо сёння Міністэрства замежных спраў загаворыць новым голасам. Голас чулі. Ухваляем. Спадзяемся, назву канала мяняць не давядзецца. Дамовімся ці не?» - напісалі аўтары канала «Голас МЗС».

На змену Анатолю Глазу, якога ў пачатку гэтага года адправілі кіраваць дыпламатычнай місіяй у Турцыі, прыйшоў Руслан Варанкоў, які апошнія тры гады займаў пасаду генеральнага консула Беларусі ў в'етнамскім Хашыміне.

«Малады, энэргічны, сучасны», – такую характарыстыку далі новаму прэс-сакратару МЗС аўтары Telegram-канала.

Варанкоў з'яўляецца кар'ерным дыпламатам: на дыпламатычную службу Беларусі ён паступіў у 2008 годзе. З таго часу ў розны час працаваў дарадцам і юрысконсультам у Пастаянным прадстаўніцтве Беларусі пры ААН у Нью-Ёрку, займаў розныя пасады ў галоўнай дамоўна-прававой управе, галоўнай консульскай управе МЗС Беларусі і Пасольстве Беларусі ў ЗША, займаў пасаду намесніка начальніка ўправы Азіі, Аўстраліі і Акіяніі МЗС Беларусь, ажыццяўляючы каардынацыю ўсяго комплексу дачыненняў з гэтымі рэгіёнамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com