У ЗША прапанавалі абавязаць Маска праходзіць праверку на наркотыкі
8- 2.04.2025, 10:42
- 6,984
Адпаведны законапраект унесены на разгляд.
У ЗША дэмакратка Палаты прадстаўнікоў Мікі Шэрыл прапанавала абавязаць мільярдэра Ілана Маска і супрацоўнікаў DOGE праходзіць тэст на наркотыкі. Адпаведны законапраект яна ўнесла на разгляд.
Аб гэтым паведаміў партал Axios. Раней Шэрыл спаслалася на справаздачу Wall Street Journal за 2024 год, у якой сцвярджалася, што генеральны дырэктар Tesla і SpaceX, нібыта, ужываў забароненыя рэчывы, сярод іншага ЛСД, какаін, экстазі, галюцынагенныя грыбы і кетамін, што стала асновай ейнага законапраекта.
Са свайго боку адвакат Маска запэўніў, што мільярдэр пастаянна праходзіць тэставанне на наркотыкі ў SpaceX і "заўсёды праходзіць тэст".
Згодна з законапраектам, асобы, якія атрымаюць станоўчы вынік на забароненыя рэчывы, будуць адхіленыя ад праходжання федэральнай службы тэрмінам сама меней на год.
"Як ніколі важна засцерагчы амерыканскі народ ад безразважнай некампетэнтнасці і відавочнага ігнаравання нацыянальнай бяспекі з боку адміністрацыі Трампа", – заявіла Шэрыл.
Яна пераканана, што спецыяльныя дзяржаўныя служачыя ў DOGE павінны "выконваць тыя ж стандарты, што і іншыя службоўцы выканаўчай улады".
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
