Украінскія ваяры збілі рэдкі расейскі дрон «Альбатрос М5»
3- 2.04.2025, 11:54
- 4,454
Беспілотнік абсталяваны нейрасеткай.
Зенітчыкі 63-й асобнай механізаванай брыгады УСУ збілі расейскі беспілотны выведвальны комплекс "Альбатрос М5". Гэты БПЛА, дзякуючы нейрасетцы, у рэальным часе вызначае людзей на сканаванай тэрыторыі і мае начную камеру.
Вайскоўцы падкрэслілі, што ім усё адно, якія "навінкі стаяць на расейскіх крылах, і калі менавіта іх знішчаць". Пра гэта гаворыцца ў Telegram-канале брыгады.
"Упершыню збіваем рэдкі расейскі дрон Альбатрос М5", – паведамілі байцы УСУ.
Яны таксама паказалі відэа эфектыўнай працы ў небе над Украінай і збіванне варожага дрона.
Што вядома аб выведвальным БПЛА “Альбатрос М5”
Расейскі выведвальны дрон “Альбатрос М5” выкарыстоўваецца ў вайне супраць Украіны з першых дзён уварвання. Спачатку вытворца хаваў свой удзел у баявых дзеяннях, але зараз адкрыта супрацоўнічае з расейскімі вайскоўцамі і працягвае выкарыстоўваць заходнія падсанкцыйныя кампаненты.
Расследавальнікі "КіберСупраціўлення" і InformNapalm высветлілі, што "Альбатрос М5" абсталяваны вялікай колькасцю дэталяў, якія не павінны патрапіць у РФ з-за санкцый. Для аэрафотаздымкі і карэктавання агню дрон выкарыстоўвае камеры японскай Sony - A6000, RX1R2, а таксама відэамодулі FCB-EH6500 і FCB-EV7500.
Акрамя таго, дрон абсталяваны цеплавізарам кітайскай InfiRay Technologies і ўласнымі гірастабілізаванымі аптычнымі модулямі для начной здымкі.
Расейскі вайсковец запускае Альбатрос М5
InformNapalm таксама паведамляў, што кампанія Kaspersky дапамагала распрацаваць для "Альбатроса" сістэму штучнага інтэлекту, якая аўтаматызуе пошук і адсочванне цэляў. Для працы гэтай тэхналогіі выкарыстоўваюцца мікракампутары Nvidia Jetson.
Расея супрацоўнічае з Nvidia як мінімум з 2016 года, і нават пасля поўнамаштабнага ўварвання і ўвядзення санкцый гэтае ўзаемадзеянне не спынілася.
Да пачатку поўнамаштабнай вайны з Украінай расейскі вытворца пазіцыянаваў свае дроны як цывільныя, сярод іншага, для сельскай гаспадаркі. Аднак з выцеку перапіскі з М'янмай вынікае, што яшчэ ў 2020 годзе дроны разглядалі як баявыя. Бірманскія вайскоўцы планавалі стварыць падраздзяленні БПЛА ў кожным батальёне і закупіць 200-300 беспілотнікаў.
У 2022 годзе прадстаўнікі Альбатроса прапанавалі М'янме пашырыць супрацоўніцтва, проста заявіўшы, што іх дроны ўжо выкарыстоўваюцца ў вайне супраць Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
