Вучыч расказаў пра таемныя перамовы з Пуціным

Іх вялі як мінімум два ўплывовыя сусветныя лідары.

Прэзідэнт Сербіі Аляксандр Вучыч заявіў, што як мінімум два ўплывовыя сусветныя лідары таемна сустракаліся з Уладзімірам Пуціным пасля пачатку вайны ва Украіне. Пра гэта ён расказаў у інтэрв'ю блогеру Марыё Наўфалу, не называючы канкрэтных імёнаў, піша kasparov.ru.

Наўфал выказаў меркаванне, што гэта маглі быць прэм'ер-міністры Вугоршчыны і Славакіі Віктар Орбан і Робэрт Фіцо, якія наведвалі Маскву ў 2024 годзе. Аднак Вучыч зняпраўдзіў гэтую версію, намякнуўшы, што ўдзельнікі перамоў публічна крытыкавалі дзеянні Расеі, але за кулісамі вялі дыялог з Крамлём.

Сербскі лідар сцвярджае, што апошні раз бачыўся з Пуціным у снежні 2021 года ў Сочы. Тады ён заўважыў незвычайную дэталь: раней украінская тэма займала гадзіны іх перамоў, але ў той раз Пуцін надаў ёй менш за хвіліну. Гэта, паводле слоў Вучыча, стала для яго сігналам: Расея рыхтуецца да вайны.

Вучыч пацвердзіў, што ўпершыню з пачатку вайны сустрэнецца з расейскім прэзідэнтам 9 траўня0 ў Маскве - на мерапрыемствах у гонар Дня Перамогі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com