СМІ: Актора Жан-Клода Ван Дама абвінавацілі ў датычнасці да гандлю людзьмі

У тым ліку і непаўналетнімі.

Вядомы актор Жан-Клод Ван Дам стаў фігурантам крымінальнай справы. Яго падазраюць ва ўдзеле ў сетцы гандлю людзьмі, у тым ліку непаўналетнімі, піша румынскае выданне Libertatea.

Расследаванне было распачатае паводле заявы 26-гадовай грамадзянкі Румыніі, якая сцвярджае, што зазнала эксплуатацыю з боку актора дзесяць гадоў таму ў Канах. Яна расказала, што была не адна і дзяўчат «аддалі актору» і што прысутныя ведалі аб тым, што адбываецца.

Адвакат пацярпелай Адрыян Кукуліс заявіў, што артыст падчас свайго знаходжання ў Францыі дзесяць гадоў таму скарыстаўся сэксуальнымі паслугамі пяці дзяўчат румынскага паходжання.

Са слоў юрыста, крымінальную справу супраць Ван Дама распачалі паводле трох артыкулаў Крымінальнага кодэкса Румыніі. Яго абвінавацілі ў выкарыстанні паслуг эксплуатаванай асобы, стварэнні злачыннай супольнасці і гандлі людзьмі.

Паводле інфармацыі партала Hotnews, дзяўчат для актора падбіраў румынскі прадпрымальнік і ўладальнік мадэльнага агенцтва Марэл Боля. Паводле інфармацыі следства, ён уцягваў дзяўчат у дзейнасць, звязаную з «сэксуальнай эксплуатацыяй з ужываннем псіхалагічнага прымусу».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com