Малгажата Гасеўска: Еўропа павінна дзейнічаць неадкладна!

Кожны дзень прамаруджвання - гэта чарговыя ахвяры лукашэнкаўскага тэрору.

Кіраўніца дэлегацыі Еўрапарламента ў сувязях з Беларуссю, еўрадэпутатка ад Польшчы Малгажата Гасеўска выступіла з моцнай прамовай у Еўрапарламенце. Яна заклікала Брусэль неадкладна націснуць на Лукашэнку, каб ён вызваліў палітвязняў. Сайт Charter97.org публікуе тэкст выступу:

- Тут, у сэрцы Еўропы, мы павінны сказаць гэта ўслых: Беларусь - гэта крывацечная рана Еўропы! Вікторыя Кульша - 1605 дзён у палоне! Вольга Маёрава – 1544 дні ў палоне! Алена Гнаўк - 1172 дні ў палоне! Гэтыя жанчыны не зняволеныя, яны закладніцы рэжыму Лукашэнкі!

Вікторыя Кульша памірае на нашых вачах. Яна праходзіць праз пекла катаванняў! Спробы самагубства, галаданне, знясіленне яе арганізма і псіхікі. Адміністрацыя калоніі ператварыла турму ў канцлагер XXI стагоддзя.

Вольга Маёрава губляе зрок, але ёй адмаўляюць у лячэнні. Рэжым прызнаў яе «тэрарысткай», каб мець магчымасць павольна забіваць яе.

Алена Гнаўк не ведае, што яе дзеці ўцяклі ад пераследу. Адрэзаная ад свету, жорстка эксплуатаваная, яе спрабуюць пазбавіць годнасці.

А Анджэй Пачобут? Беларускі і польскі журналіст, вязень сумлення. Зачынены ў калоніі строгага рэжыму, зазнае псіхалагічныя і фізічныя рэпрэсіі толькі за тое, што ён голас праўды!

Еўропа павінна дзейнічаць неадкладна! Кожны дзень прамаруджвання - гэта чарговыя ахвяры лукашэнкаўскага тэрору. Мы патрабуем неадкладнага вызвалення палітвязняў! Мы патрабуем санкцый, мы патрабуем ізаляцыі рэжыму!

Мы павінны змагацца за праўду, за свабоду, за жыццё тых, хто сёння з'яўляецца закладнікам Лукашэнкі!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com