Кітайцы выцясняюць КамАЗ з расейскага рынка
14- 2.04.2025, 17:55
- 6,478
Прыбытак кампаніі ўпала ў 28 разоў.
Найбуйнейшы расейскі вытворца грузавікоў - КамАЗ - сутыкнуўся з абвальным падзеннем прыбытку пасля прыходу канкурэнтаў з Кітая. За 2024 год ён скараціўся да 731 млн рублёў, гаворыцца ў справаздачы кампаніі па МСФС. У параўнанні з 2023 годам паказчык упаў у 28 разоў: тады прыбытак складаў 20,4 млрд рублёў. Кампанія назвала прычынай падаражэнне крэдытаў. Таксама ёй давялося заплаціць большы падатак на прыбытак у сувязі з пералікам паводле новай стаўкі 25%, піша The Moscow Times.
Летась выдаткі КамАЗа ў адсотках выраслі ў 2,3 разы, да 20,7 млрд рублёў, а камерцыйныя траты дасягнулі 15,7 млрд рублёў (13%). Аперацыйны прыбытак і паказчык EBITDA пры гэтым аселі на 12% - да 22,8 млрд і 33,6 млрд рублёў адпаведна. Гадавы даход склаў 393,7 млрд рублёў (6,3%), сабекошт продажаў – 332,2 млрд рублёў (6,5%), валавы прыбытак – 61,9 млрд рублёў (5,4%). Пры гэтым доўгатэрміновыя абавязацельствы павялічыліся на 23,4%, да 158,2 млрд рублёў, а кароткатэрміновыя, уключаючы крэдыторскую запазычанасць, - на 24,3%, да 274,8 млрд рублёў.
У кампаніі заявілі, што такія вынікі «былі чаканымі», бо КамАЗ знаходзіцца пад санкцыйным ціскам, але працягвае праграму імпартазамяшчэння, праекты па мадэрнізацыі вытворчасці і развіццю новага мадэльнага шэрагу. Інвестыцыі за 2024 год склалі 8% ад прыбытку, што адпавядае ўзроўню 2023 года, дадалі ў прэс-службе.
Усяго ў 2024 годзе КамАЗ выпусціў 54600 адзінак камерцыйнай тэхнікі (+3%). З іх 41677 цяжкіх грузавікоў грузападымальнасцю 14-40 тон, 5742 тысячы сярэдне-і малатанажнікаў «Компас», 1596 аўтобусаў і 688 электробусаў, а таксама 4368 прычэпаў, паўпрычэпаў і 554 аўтабетоназмяшальнікі. Пры гэтым продажы КамАЗа абрынуліся на траціну. За год ён змог рэалізаваць толькі 17254 аўтамабілі і ўпершыню саступіў агульнае лідарства на рынку грузавікоў кітайскім брэндам. У топ выйшаў брэнд Sitrak, які прадаў 19409 цягачоў.
КамАЗу складана канкураваць з кітайскімі аўтавытворцамі, якія прапануюць значна ніжэйшыя кошты. Грузавікі з Паднябеснай пазапаўнялі Расею пасля сыходу заходніх брэндаў і канцэнтрацыі КамАЗа на выкананні абаронзамовы для забеспячэння патрэб вайны з Украінай. А ўжо да 2025 года яны захапілі больш за 2/3 айчыннага рынку. На гэтым фоне Расстандарт адклікаў сертыфікат у адной з самых папулярных у Расеі кітайскіх мадэляў – буйнатанажнага самазвала Shacman тыпу SX3258 пад падставай неадпаведнасці абавязковым патрабаванням.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
