Расейцам могуць дазволіць разлічвацца з беларусамі за аўтамабілі гатоўкай

Падрабязнасці.

Як вядома, грамадзяне РФ абавязаныя аплачваць замежныя куплі праз расейскія банкі. Гэта значыць, прыехаць з гатоўкай і набыць аўто ў Беларусі, перадаўшы грошы прадаўцу, - гэта ўжо парушэнне валютнага рэгулявання.

Але на днях з'явілася інфармацыя, што Мінфін суседняй краіны дапускае ў будучыні магчымасць разлікаў з нерэзідэнтамі РФ у гатоўцы.

Гэта вынікае з ліста за подпісам намесніка міністра фінансаў Расеі Аляксея Майсеева на адрас прэзідэнта Нацыянальнага аўтамабільнага саюза, пішуць «Известия».

У ведамстве зазначаюць, што з улікам цяперашняй сітуацыі з абмежаваннямі трансгранічных аплат, выкліканай вонкавымі прычынамі, «зняцце прававой нявызначанасці пры ажыццяўленні рэзідэнтамі ўгодаў куплі-продажу аўтамабіляў з нерэзідэнтамі — грамадзянамі краін ЕАЭС з выкарыстаннем замежнай валюты магчымае толькі шляхам змянення валютнага заканадаўства РФ».

Паводле закона ўгоды расейцаў з нерэзідэнтамі павінны праводзіцца толькі ў безнаяўнай форме з пераводам грошай на банкаўскія рахункі - у расейскім або замежным банку; за наяўную форму можа быць накладзены значны штраф (20-40% ад сумы дамовы). Фактычна ж, расейцы і грамадзяне іншых краін ЕАЭС нярэдка праводзяць угоды менавіта з перадачай купюр з рук у рукі.

Да прыкладу, мінулай восенню неўзабаве пасля куплі за гатоўку патрыманага красовера ў грамадзяніна Кыргызстана масквічка атрымала ад Федэральнай падатковай службы штраф амаль на 900 тысяч расейскіх рублёў (кошт красовера пры гэтым быў 2,85 млн расейскіх рублёў).

На гэты момант прапанова вывесці ўгоды па куплі-продажы аўтамабіляў паміж расейцамі і грамадзянамі іншых краін ЕАЭС з-пад дзеяння закона «Аб валютным рэгуляванні і валютным кантролі» знаходзіцца ў прапрацоўцы.

Супольна з Банкам Расеі і зацікаўленымі органамі выканаўчай улады будзе сфармаваная кансалідаваная пазіцыя. Пры гэтым якія-небудзь заканадаўчыя ініцыятывы ў гэтым пытанні адсутнічаюць. Пастанова аб яе падтрымцы таксама не прынятая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com