У Атлантычным акіяне перахапілі падлодку з 6,5 т какаіну на борце

У аперацыі «Наўтылус» удзельнічалі чатыры краіны.

У Атлантычным акіяне затрымалі напалову загружанае судна з 6,5 т какаіну на борце, паведаміла судовая паліцыя Партугаліі на сваёй старонцы ў Facebook.

Паводле звестак ведамства, судна, якое выкарыстоўвалася «міжнароднай злачыннай арганізацыяй», накіроўвалася да Пірэнейскага паўвострава. Лодку ўдалося перахапіць прыкладна ў 500 марскіх мілях (926 км) на поўдзень ад Азорскіх астравоў (аўтаномны рэгіён Партугаліі). На яе борце знаходзіліся пяць чальцоў экіпажа.

На кадрах, якія апублікавала паліцыя, бачна, што лодка была нагружаная вялікай колькасцю рознакаляровых пакетаў аднолькавага памеру.

Аперацыю па затрыманні судна, якая атрымала назву «Наўтылус», правялі партугальскія ВМС і ВПС супольна з Управай барацьбы з наркотыкамі ЗША, Брытанскім нацыянальнымі агенцтвам у барацьбе са злачыннасцю і Гішпанскай грамадзянскай гвардыяй.

Партугальская паліцыя апублікавала паведамленне аб аперацыі 25 сакавіка, не ўдакладніўшы, калі менавіта яна была праведзеная.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com