NATO агучыла суму вайсковай дапамогі Украіне

Марк Рутэ заявіў, што Кіеў і надалей можа разлічваць на дапамогу з боку Альянсу.

Украіна, якая зазнала ўзброеную агрэсію з боку Расеі, можа і надалей разлічваць на вайсковую дапамогу з боку NATO, нягледзячы на мірныя ініцыятывы прэзідэнта ЗША Дональда Трампа. «За першыя тры месяцы гэтага года саюзнікі ўжо паабяцалі даць Украіне дапамогу ў сферы бяспекі на суму больш за 20 млрд еўраў у 2025 годзе», - паведаміў генеральны сакратар NATO Марк Рутэ на прэс-канферэнцыі ў Брусэлі ў сераду, 2 красавіка.

Рутэ пацвердзіў, што каардынацыя вайсковай дапамогі праз камандаванне ў Вісбадэне будзе працягнутая. "Пагроза з боку Расеі захоўваецца", - канстатаваў ён.

Летась саюзнікі мабілізавалі на працягу дванаццаці месяцаў амаль 50 млрд еўраў для падтрымкі Украіны, але на фоне мірных ініцыятыў Трампа ўзніклі асцярогі, што ЗША могуць рэзка скараціць вайсковую дапамогу, каб прымусіць Кіеў да спынення агню. Тым не менш, ЗША пакуль працягваюць пастаўкі зброі Украіне. Яны толькі на кароткі тэрмін прыпынілі іх у пачатку году.

Каментуючы пасрэдніцкую ініцыятыву Трампа, Рутэ заявіў, што падтрымлівае ўсе намаганні, накіраваныя на "справядлівае і доўгатэрміновае заканчэнне гэтай жахлівай вайны". Ён выказаў удзячнасць Трампу за тое, што той здолеў "пераадолець блакаду".

У той жа час Рутэ высока ацаніў намаганні Вялікабрытаніі, Францыі і іншых краін ва ўзгадненні гарантый бяспекі для Украіны. Гэтыя гарантыі могуць увайсці ў дзеянне, калі Кіеў пагодзіцца на прапанаванае ЗША замірэнне.

Прэс-канферэнцыя Рутэ была прымеркаваная да сустрэчы міністраў замежных спраў краін NATO, якая адбудзецца ў Брусэлі 3-4 красавіка. Чакаецца, што ЗША зноў запатрабуюць ад еўрапейскіх супольнікаў значнага павелічэння вайсковых выдаткаў. Новыя мэтавыя паказчыкі павінны быць узгодненыя на наступным саміце NATO, які пройдзе ў чэрвені ў Гаазе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com