Расейскія акцыі перажылі самае працяглае падзенне з дэфолту 1998 года
2- 2.04.2025, 21:23
- 8,252
Рынак РФ накрылі распродажы.
Расейскі рынак акцый, які ўзляцеў да максімумаў з мінулай вясны пасля пачатку перамоў з ЗША аб Украіне, працягвае імклівае падзенне, паведамляе The Moscow Times.
На таргах у аўторак індэкс Масбіржы пайшоў у мінус 11-ы гандлёвы дзень запар і апусціўся да самага нізкага значэння амаль за два месяцы - 2926,6 пункта. За дзень індэкс страціў 1,3%, а за апошнія два тыдні 10%, ці амаль 500 млрд. рублёў у пераліку на капіталізацыю.
"Бягучае падзенне індэкса Масбіржы стала самым працяглым з 1998 года", калі ў Расеі адбыўся дэфолт, адзначае аналітык Freedom Finance Global Уладзімір Чарноў.
Інвестары разлічвалі на дээскалацыю і змякчэння санкцый, але гэтыя чаканні апынуліся завышанымі, адзначае экспэрт: “Пакуль усё абярнулася толькі пагрозамі Дональда Трампа ўвесці мыты ў памеры 25% на ўсю расейскую нафту і тарыфы 500% на імпарт для краін, якія яе купляюць нафту, калі ён разважыць, што працэс зрываецца з віны Масквы.
"Рынак накрылі распродажы", – канстатуе Аляксей Антонаў, аналітык "Алор Брокер". За апошнія два тыдні акцыі Сбера патаннелі на 7%, ВТБ – на 16%, "Раснафты" – на 13%, "Нарнікеля" – на 12%, "Новатэка" – на 9%, "Аэрафлота" – на 14%. Антылідарам сярод "блакітных фішак" стаў "Газпрам", паперы якога ўпалі на 20%, што адрэзала ад капіталізацыі кампаніі амаль 800 млрд рублёў.
"Ёсць рызыкі ўзмацнення санкцыйнага ціску на Расею", – паказвае Антонаў. Са звестак Fox News, адміністрацыя Трамп разглядае магчымасць “агрэсіўных” мер супраць расейскага ценявога флоту, каб схіліць Уладзіміра Пуціна да саступак аб Украіне. У Крамлі ж па-ранейшаму выстаўляюць максімалісцкія патрабаванні, мяркуючы, што Кіеў павінен здаць усю тэрыторыю чатырох акупаваных абласцей у адміністрацыйных межах, расказвалі раней крыніцы The Moscow Times.
Калі ЗША рэалізуюць пагрозу санкцый на расейскую нафту, гэта апусціць індэкс Масбіржы яшчэ прыкладна на 10%, прагназуе Антонаў. Чарноў з Freedom Finance адзначае, што дынаміка рынку будзе залежаць ад новага раўнда перамоў, для якіх ЗША адпраўляецца кіраўнік РФПІ Кірыл Дзмітрыеў. Калі ж перамовы скончацца беспаспяхова, а Белы дом працягне пагражаць узмацненнем санкцый, індэкс Масбіржы можа апусціцца да 2600 пунктаў, адзначае экспэрт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
