Купалаўскі тэатр стаў галаўным болем для лукашыстаў
5- 20.04.2025, 10:07
- 8,670
Адміністрацыя ідзе на самыя недарэчныя хітрыкі.
За пяць гадоў, якія прайшлі пасля звальнення з Купалаўскага тэатра большай часткі трупы, улады так і не прыдумалі, як паўнавартасна іх замяніць. Запрошаныя акторы з Расеі пачыналі сваю працу, не ведаючы беларускай мовы. Але ў 2025 годзе з'явілася новая ідэя – запрашаць на асобныя спектаклі актораў з іншых беларускіх тэатраў. Пра гэта рэдакцыі «Люстэрка» паведамілі ўласныя крыніцы.
Гэтая інфармацыя пацвердзілася: журналісты прааналізавалі сайт тэатра і знайшлі згадку пра чатырох такіх актораў.
У канцы траўня 2025 года адбудзецца прэм'ера спектакля «Брама неўміручасці» паводле Кандрата Крапівы. Сярод заяўленых актораў – Уладзімір Мішчанчук і Ала Проліч. Апошняя задзейнічаная і ў спектаклі «Дзядзечкаў сон». Абое даўно гуляюць у трупе Тэатра-студыі кінаактора.
Трэці запрошаны актор – Андрэй Гладкі, які з 2010 года працуе ў Маладзёвым тэатры. Ён удзельнічае ў двух спектаклях Купалаўскага: «А зоры тут ціхія» і «Гарачае сэрца».
Чацвёрты актор – Юрый Шаланкоў, які з 2017 года таксама працуе ў Маладзёвым тэатры. На сайце Купалаўскага ёсць ягоная старонка, аднак ніякіх роляў няма. Магчыма, ён гуляў раней у якіх-небудзь спектаклях, ці ягоны ўдзел плануецца ў будучыні.
Нагадаем, летам 2020 года большая частка трупы звольнілася з Купалаўскага на знак пратэсту супраць фальсіфікацыі выбараў і гвалту сілавікоў. Працу адміністрацыя змагла аднавіць толькі ў сакавіку 2021 года. За прамінулы з таго моманту час новае кіраўніцтва так і не змагло набраць дастатковую колькасць новых актораў (большасць беларусаў адмовіліся ад такой прапановы), а таму запрасіла іх з Расеі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
