Кіраўнікі Каталіцкай і Праваслаўнай цэркваў Беларусі павіншавалі з Вялікаднем

Хто заклікаў да паслухмянства, а хто да надзеі?

Кіраўнік каталіцкай царквы ў Беларусі Юзаф Станеўскі і экзарх Беларускай праваслаўнай царквы мітрапаліт Веніямін выступілі з віншаваннямі вернікам 20 красавіка, калі ўсе хрысціяне Беларусі адзначаюць Вялікдзень. Сёлета на адзін дзень прыйшліся і «каталіцкая», і «праваслаўная» даты, піша «Тэлеграф».

Кіраўнік Беларускай праваслаўнай царквы экзарх Веніямін у сваім пасланні да вернікаў павіншаваў іх са светлай радасцю і папрасіў не страчваць яе адчування адразу пасля свята.

«Як жа захаваць гэтую радасць і духоўны настрой? У творах святых айцоў гаворыцца, што паслухмянасць – гэта найкарацейшы шлях да збаўлення і набыцця духоўнай радасці. І ў нашы дні яна прыносіць той жа святы плён», – параіў мітрапаліт.

Паводле ягоных словаў, «паслушэнства ў Госпадзе святароў і манахаў свайму святарству, малодшых старэйшым, падначаленых кіраўнікам, дзяцей бацькам, нясенне нягодаў, немачаў адно аднаго – усё гэта, несумненна, сцвярджае гармонію не толькі ў грамадскім і паўсядзённым, але і ў духоўным жыцці».

У сваю чаргу старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі заклікаў вернікаў захоўваць надзею «на канчатковую перамогу дабра над злом».

Ён заклікаў памятаць, што ўваскрашэнне Хрыста закліканае ўмацаваць веру, што «сярод зменлівасці і хаосу сучаснага свету ў розных выпрабаваннях і цярпеннях надалей крыніцай любові і сілы нязменна з'яўляецца ўваскрослы Гасподзь – пераможца смерці, пекла і сатаны»

«Уваскрослы Ісус загадвае сваім вучням ісці ў Галілею – месца, дзе падчас паўсядзённых справаў яны сустрэліся з ім, настаўнікам з Назарэта і пайшлі за ім. Няхай жа і наша сустрэча з жывым Збаўцам, які прысутнічае ў Найсвяцейшым сакрамэнце, дапаможа ў Галілеі нашай штодзённасці знайсці мэту і сэнс жыцця, а таксама ўмацуе надзею на канчатковую перамогу дабра над злом, любові над нянавісцю і жыцця над смерцю. Няхай загарацца нашыя сэрцы, калі ўваскрослы Хрыстос прыйдзе да нас са сваім словам – добрай навіной – і Хлебам Жыцця ў Святой Камуніі», – заклікаў арцыбіскуп Юзаф Станеўскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com