«Рана ці позна, але зло адступіць і жыццё пераможа»

Уладзімір Зяленскі павіншаваў украінцаў з Вялікаднем.

Прэзідэнт Украіны Уладзімір Зяленскі павіншаваў украінцаў са светлым святам Хрыстовага Уваскрэсення.

Пра гэта паведамляе Цензор.НЕТ са спасылкай на відэа-віншаванне Зяленскага.

«Зло мае свой час, а Бог мае свой дзень. Гэта адзін з сэнсаў, які закладзены ў гісторыю Хрыста. Пра тое, што рана ці позна, але абавязкова зло адступіць і жыццё пераможа.

Мы хочам гэтага ўсе 1152 дні поўнамаштабнай вайны. Мы адзіныя ў гэтым. Штодня і асабліва сёння, калі ўкраінцы ўсіх хрысціянскіх канфесій адзначаюць Вялікдзень у адну дату. Разам. Мы разам змагаемся за Украіну. І разам молімся за Украіну», – адзначыў ён.

«Няхай час зла скончыцца. Прыйдзе дзень жыцця. Дзень міру. Дзень Украіны. Дзень даўжынёй у век. І мы зможам зноў сабрацца разам. За адным сталом. У мірны Вялікдзень.

Няхай усё гэта здзейсніцца.

Няхай Бог дапаможа нам у гэтым.

Няхай будзе мір. Няхай будзе Украіна.

Хрыстос уваскрос!

Сапраўды ўваскрос!» – дадаў кіраўнік украінскай дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com