Самай старажытнай у Беларусі калекцыі велікодных яек амаль споўнілася 100 гадоў

Яна захоўваецца ў Гарадзенскім дзяржаўным гісторыка-археалагічным музеі.

Самая старажытная ў Беларусі калекцыя велікодных маляванак захоўваецца ў Гарадзенскім дзяржаўным гісторыка-археалагічным музеі.

Пра гэта супрацоўнікі музея паведамілі агенцтву БелТА.

«Гэта 74 велікодныя пісанкі, сабраныя ў 1930-я гады першым дырэктарам музея Юзафам Ядкоўскім», - распавялі там.

У фондасховішчы захоўваецца калекцыя старажытных маляванак, акуратна выкладзеных у драўляны куфар з кованымі накладкамі. Кожнае яйка змешчана ў кардонную скрыначку, высланую ватай, з указаннем месца яго паходжання. Дзякуючы гэтым паметкам вядома геаграфія калекцыі: вёскі былых Аўгустоўскага і Сувалкаўскага паветаў, а таксама мястэчка Сапоцкін (Гарадзенскі раён). На некаторых скрыначках сустракаецца надпіс "Свяцк".

Як расказала загадчыца аддзела народнай творчасці Святлана Чушынская, для афарбоўвання маляванак выкарыстоўваліся натуральныя фарбавальнікі, прыгатаваныя па старажытных рэцэптах:

Чорны колер атрымлівалі з адвара альховай кары і ржавага жалеза.

Бронзавы - з яблыневай кары і абпаленага збожжа.

Фіялетавы - з пялёсткаў мальвы.

Зялёны - з асінавай кары і лісця амелы.

Карычневы -з кветак алешыны і лісця конскага каштана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com