«Тры гадзіны на мяжу - казка»

Што адбываецца на мяжы Беларусі з ЕЗ.

Раніцай 21 красавіка перад адзіным адкрытым для аўтамабіляў пунктам пропуску ў ЕЗ "Берасце" чакаюць 170 аўтамабіляў, а аўтобусных чэргаў няма, паведамляе "Белсат" са спасылкай на Дзяржаўным памежны камітэт Беларусі.

Кіроўцы, якія ў апошнія дні ехалі з Беларусі ў Польшчу, расказваюць у тэматычных чатах, што з моманту рэгістрацыі ў чарзе на выезд ад польскіх памежнікаў часцей за ўсё прайшло 8–12 гадзін.

У бок Беларусі ноччу 21 красавіка чэргаў не было.

Пасажыры аўтобусаў адзначаюць: пры ўездзе з Беларусі ў Польшчу чэргаў не было ці яны былі зусім невялікія. На мяжы людзі праводзілі каля 6 гадзін. А тыя, хто ехаў з Польшчы ў Беларусь, чакалі на мяжы 3 гадзіны.

"Нават з рэнтгенам аўтобуса 3 гадзіны на мяжу - казка!", - піша адзін з падарожнікаў.

Пры гэтым застаюцца вялікія чэргі з фураў на ўездах у ЕЗ з Беларусі.

“Літоўскі кірунак застаецца самым загружаным для фур. Перад памежным пераходам “Меднікі” (“Каменны Лог”) фіксуецца 390 грузавікоў, якія чакаюць уезду на сумежную тэрыторыю”, - паведамляе Дзяржаўны памежны камітэт.

У пункце "Беняконі" ўезду ў ЕЗ чакаюць 470 грузавых аўтамабіляў.

Перад латышскім памежным пераходам "Патэрніекі" чакаюць яшчэ 385 фур.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com