На чыгуначным вакзале ў Менску паставілі аптэку-робата

Фотафакт.

На цокальным паверсе чыгуначнага вакзала ў Менску ўстанавілі першую ў Беларусі аўтаматызаваную аптэку, паведамляе прэс-служба Міністэрства аховы здароўя.

Аўтаматызаваная аптэка - гэта закрыты куб, усярэдзіне якога знаходзяцца стэлажы з лекавымі сродкамі. Пакупніку дастаткова ўвесці назву прэпарата на сэнсарным экране, прыкласці пашпарт і аплаціць. Сканаванне пашпарта неабходна для пацвярджэння, што пакупніку споўнілася 14 гадоў. Пасля гэтага робат выбірае патрэбны прэпарат і перадае яго ў акно выдачы.

У асартыменце робата-аптэкі будзе амаль 300 безрэцэптурных лекаў айчыннай вытворчасці, для захоўвання якіх падтрымліваецца аптымальная тэмпература. Адзначаецца, што ў перспектыве аптэчныя робаты змогуць выдаваць прэпараты на электронных рэцэптах.

Аўтаматызаваная аптэка створаная гомельскім прадпрыемствам Eday Robotics, якое спецыялізуецца на комплекснай аўтаматызацыі розных вытворчасцяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com