Reuters: ЕЗ знайшоў спосаб разарваць дзейныя кантракты на пастаўку расейскага газу
1- 23.04.2025, 11:24
- 3,270
Без штрафных санкцый.
Еўрапейская камісія ацэньвае, ці можа яна заканадаўча забараніць кампаніям у Еўрапейскім Звязе падпісваць новыя кантракты на расейскае выкапнёвае паліва, заявіў 22 красавіка высокапастаўлены чыноўнік ЕЗ.
Пра гэта піша Reuters.
Еўракамісія таксама працуе над прававымі варыянтамі, якія дазволяць кампаніям ЕЗ разрываць дзейныя кантракты на пастаўку газу з Расеяй без штрафных санкцый, дадаў высокапастаўлены чыноўнік.
Камісія ацэньвае магчымасць выдачы кампаніям прававой падставы спасылацца на форс-мажорныя абставіны і выходзіць з расейскіх газавых кантрактаў без выплаты штрафаў за гэта.
“Паколькі некаторыя краіны-сябры абяцаюць заблакаваць усе санкцыі ЕЗ у дачыненні да расейскага газу, Еўракамісія наўзамен шукае іншыя інструменты, якія маглі б паскорыць спыненне залежнасці Еўропы ад расейскіх энэргарэсурсаў”, - гаворыцца ў публікацыі. - "Еўракамісія плануе выкласці варыянты для гэтага ў "дарожнай карце", якая павінна быць прадстаўленая 6 мая".
Пры гэтым Еўракамісія разглядае варыянты, патэнцыйна ўключаючы гандлёвыя меры ЕЗ, якія могуць забараніць еўрапейскім кампаніям укладаць новыя кантракты на расейскае паліва.
Забарона новых кантрактаў накіраваная на тое, каб скараціць спотавыя закупкі еўрапейскімі кампаніямі расейскага звадкаванага газу (ЗПГ).
У той час як пастаўкі расейскага трубаправоднага газу ўпалі пасля поўнамаштабнага ўварвання Масквы ва Украіну ў 2022 годзе, ЕЗ павялічыў імпарт расейскага ЗПГ летась.
У 2024 годзе ЕЗ усё яшчэ атрымліваў 19% агульных паставак газу і ЗПГ з Расеі.
Еўракамісія заявіла, што ўсе для абмежавання расійскага імпарту энэргарэсурсаў павінны нанесці шкоду Маскве больш, чым ЕЗ, і ўлічваць уплыў на энергетычную бяспеку Еўропы і цэны паліва.
“Пасля публікацыі сваёй дарожнай карты ў наступным месяцы Еўракамісія плануе правесці абмеркаванне з дзяржавамі-сябрамі і кампаніямі ЕЗ”, - гаворыцца ў публікацыі, - “Калі Камісія надумае рухацца наперад з любым з прававых інструментаў, яна прапануе заканадаўчыя акты для гэтага. Для гэтага можа спатрэбіцца ўхваленне Еўрапейскага парламента і значнай большасці краін ЕЗ, у залежнасці ад тыпу прапанаванага прававога інструмента”.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
