Расейскія вайскоўцы разрабавалі базу адпачынку ў Белгародскай вобласці

Вынеслі лядоўні, пластыкавыя трубы і каўралін.

Расейскія вайскоўцы распляжылі і знішчылі базу адпачынку «Малінаўка» у сяле Новая Тавалжанка ў Белгародскай вобласці, піша мясцовае выданне «Попел».

Паводле яго звестак, базу закрылі і закансервавалі ў траўні 2023 года праз абстрэлы Шабекінскай акругі з боку Украіны. Адразу пасля гэтага аб'ект самавольна занялі вайскоўцы. Да лютага 2025 года на тэрыторыі базы адпачынку дыслакаваліся розныя падраздзяленні, у тым ліку байцы «ПВК Вагнер» і як мінімум дзве групы вайскоўцаў пад кіраваннем камандзіраў з пазыўнымі «Разань» і «Страж». Апошнія сцвярджалі, што ім «загадалі» заняць гэтую базу.

Калі вайскоўцы пакінулі «Малінаўку», яны пакінулі пасля сябе выбітыя шыбы і дзверы, разбітую мэблю і разрабаваныя памяшканні. Былі скрадзеныя лядоўні, бытавая тэхніка, прамысловы грыль, два більярдавыя сталы, помпы для басейна, 160 алюмініевых радыятараў, 400 метраў пластыкавых труб, 200 квадратных метраў каўраліну і надзіманая лодка. Таксама вайскоўцы злілі з сістэмы апалу 400 літраў тасолу. Са звестак «Попелу», уласнікі «Малінаўкі» напісалі заявы ў следчыя органы яшчэ 10 лютага, падаўшы спіс выкрадзенай маёмасці з 37 пазіцый. Аднак аб выніках расследавання дагэтуль нічога невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com