У Лондане закончылася сустрэча прадстаўнікоў Украіны, Вялікай Брытаніі, Францыі і Нямеччыны

Першыя падрабязнасці.

У Лондане ў сераду, 23 красавіка, прайшла сустрэча з дарадцамі ў нацбяспецы і знешняй палітыцы краінаў-удзельніцаў «кааліцыі ахвотных». Пра гэта заявіў кіраўнік Офіса прэзідэнта Украіны Андрэй Ярмак.

Ён адзначыў, што падчас сустрэчы бакі дамовіліся пра далейшыя рэгулярныя кансультацыі для дасягнення справядлівага міру ва Украіне, а таксама адзначылі адданасць мірным намаганням прэзідэнта ЗША Дональда Трампа.

Як паведаміў Ярмак, сустрэча адбылася ў афіцыйнай рэзідэнцыі МЗС Вялікай Брытаніі. Ад Украіны ўдзельнічалі міністр замежных справаў Андрэй Сібіга, міністр абароны Рустэм Умераў і кіраўнік Офіса прэзідэнта Украіны.

Ад Вялікай Брытаніі ў перамовах ўдзельнічаў дарадца прэм'ер-міністра ў пытаннях нацбяспекі Джонатан Паўэл. З боку Францыі – дыпламатычны дарадца прэзідэнта Эмануэль Бон, а ад Нямеччыны – дарадца канцлера ў пытаннях знешняй палітыкі і бяспекі Енс Плетнер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com