Украінская выведка раскрыла тры галоўныя страхі Крамля

Гэта выклікі, якія тычацца стабільнасці рэжыму і магчымасці расколу краіны.

У Расеі існуюць тры галоўныя страхі, якія Крэмль ўважае за найбольшыя пагрозы для сябе. Гэта выклікі, якія тычацца стабільнасці рэжыму і магчымасці расколу краіны.

Пра гэта распавёў намеснік начальніка ГУР Мінабароны Украіны генерал-маёр Вадзім Скібіцкі, паведамляе «РБК-Украіна» са спасылкай на яго заяву на Kyiv StratCom Forum.

Скібіцкі падкрэсліў, што Расея падыходзіць прагматычна да сваіх планаў.

«Тыя магчымыя ваенныя канфлікты, якія яна для сябе бачыць у сцэнарах развіцця падзей - яны, паводле іх жа дакументаў, магчымыя на межах РФ. Расейскае кіраўніцтва баіцца некалькіх фактараў - гэта тое, што яны ўважаюць для сябе выклікамі і пагрозамі», - падкрэсліў намеснік начальніка ГУВ.

Ён выдзеліў тры асноўныя страхі Расеі. Першае, паводле слоў Скібіцкага, гэта дэстабілізацыя рэжыму і змена ўлады. Другое - дэстабілізацыя ўнутры самой Расеі, бо, як адзначыў намеснік начальніка ГУВ, гэта вялікая тэрыторыя і шматнацыянальная краіна.

«Трэці выклік - не дапусціць расколу або развалу РФ, гэта значыць, захаваць яе такой, якой яна ёсць. І гэтыя пагрозы яны ўважаюць за вонкавыя і ў інфармацыйным, і ў вайсковым аспекце. Менавіта таму яны выступаюць супраць уступлення Украіны ў NATO, бо яны бачаць гэта рэальнай пагрозай для сваёй тэрытарыяльнай цэласнасці», - растлумачыў Скібіцкі.

У той жа час ён зазначыў, што Галоўная ўправа выведкі безумоўна ведае і ўлічвае гэтую інфармацыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com