Дроны трэці раз за красавік атакавалі ракетную частку РФ у Шуі

Жыхары паведамляюць аб выбухах і гуках сірэны.

Шую ў Іванаўскай вобласці Расеі зноў атакавалі беспілотнікі. Раней горад, у якім дыслакаваная 112-я ракетная брыгада УС РФ, быў атакаваны двойчы ў сярэдзіне красавіка, перадае "Нямецкая хваля".

“У горадзе Шуя адбіваецца атака беспілотнікаў. Захоўвайце спакой, перайдзіце ў бяспечнае месца", - гаворыцца ў паведамленні ў Telegram-канале аператыўнага штаба Іванаўскай вобласці ў пятніцу, 25 красавіка, а 5.00 паводле мясцовага часу. Ніякіх іншых падрабязнасцяў не падаецца. Праз прыкладна дзве гадзіны штаб паведаміў, што ў Шуі захоўваецца рэжым небяспекі нападу беспілотнікаў. «На месцы падзення абломкаў працуюць спецыялісты экстраных службаў. Паводле папярэдніх звестак, пацярпелых няма”, - апавясцілі ўлады рэгіёна.

Выданне Astra піша, што жыхары Шуі паведамляюць аб выбухах і гуках сірэны паветранай трывогі ў горадзе.

У горадзе дыслакаваная 112-я ракетная брыгада Узброеных сіл Расеі, якую ўкраінскія вайскоўцы абвінавацілі ва ўдары балістычнымі ракетамі "Іскандэр" па Сумах у Вербную нядзелю 13 красавіка. Ахвярамі гэтага нападу сталі 35 чалавек, у тым ліку двое дзяцей. Ці датычная гэтая брыгада да ўчыненага напярэдадні ноччу нападу на Кіеў і Харкаў, не ўдакладнялася.

Дроны атакавалі Шую 16 і 17 красавіка

Раней Шуя двойчы - 16 і 17 красавіка - зазнала напады БПЛА. Аператыўны штаб рэгіёну тады паведаміў, што напады адбітыя, пацярпелых няма, а ў некалькіх дамах выбітае шкло. Паводле яго звестак, школы ў Шуі былі пераведзеныя на дыстанцыйны рэжым працы.

Мясцовыя жыхары пры гэтым паведамлялі аб выбухах блізу 4.00 паводле мясцовага часу. Тады відавочцы знялі на відэа момант атакі, а таксама пажар, які пачаўся пасля ўдару. Выданне Astra геалакавала адзін з запісаў, ён зняты менш чым за 200 метраў ад вайсковага гарадка 112-й ракетнай брыгады УС РФ, а аўтар аднаго з відэа сцвярджаў, што палае вайсковая часць.

Акрамя таго, паведамлялася, што беспілотнікі, якія атакавалі ў сярэдзіне красавіка Шую, патрапілі па ангарах з балістычнымі ракетамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com