МАГАТЭ паведаміла пра страляніну на Запарожскай АЭС
3- 25.04.2025, 9:59
- 4,720
Што вядома.
На Запарожскай АЭС адбылася страляніна 24 красавіка. Таксама на працягу тыдня фіксуюцца пастаянныя выбухі і стрэлы ў раёне аб'екта.
Пра гэта паведаміў генеральны дырэктар МАГАТЭ Рафаэль Гросі.
«Учора раніцай экспэртам МАГАТЭ, якія працуюць на Запарожскай атамнай электрастанцыі (ЗАЭС) ва Украіне, было загадана заставацца ў памяшканні пасля таго, як непадалёк ад галоўнага адміністрацыйнага будынка, дзе размешчаны іх офіс, раздаліся гучныя стрэлы», - распавёў ён.
Пры гэтым акупанты сказалі супрацоўнікам МАГАТЭ аб тым, што з-за «пагрозы з боку беспілотнікаў» запланаваныя дзеянні групы на аб'екце давялося адкласці.
«Група МАГАТЭ засталася ў адміністрацыйным будынку пасля абвяшчэння загада аб схованцы на ўсёй тэрыторыі станцыі», - дадаў ён.
Акрамя таго, на працягу апошняга тыдня група МАГАТЭ працягвала чуць выбухі і стрэлы на розных адлегласцях ад станцыі амаль кожны дзень.
«Тое, што калісьці было практычна няўяўным - сведчанні ваенных дзеянняў паблізу буйнога ядзернага аб'екта - стала амаль паўсядзённай з'явай і звычайнай часткай жыцця на найбуйнейшай у Еўропе атамнай электрастанцыі», - заявіў гендырэктар МАГАТЭ.
Гросі падкрэсліў, што з пункту гледжання ядзернай бяспекі гэта відавочна няўстойлівая сітуацыя.
«МАГАТЭ па-ранейшаму адданае таму, каб зрабіць усё магчымае, каб прадухіліць ядзерную аварыю падчас гэтай трагічнай вайны», - дадаў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
