Улады без разбору запісваюць беларусаў у «дармаеды»

У базу трапляюць тыя, каго там не павінна быць.

У базу “дармаедаў” па-ранейшаму памылкова ўключаюць некаторыя катэгорыі насельніцтва. Гэта тычыцца мам дзяцей да сямі гадоў, агароднікаў, а таксама тых, хто працуе ў краінах Еўразійскага эканамічнага саюза (ЕАЭС). Людзям даводзіцца даказваць спецыяльным камісіям, што іх не павінна быць у базе.

На адным з апошніх пасяджэнняў “дармаедскай” камісіі ў Крычаўскім раёне разглядалі звароты людзей, якіх уключылі ў базу «дармаедаў», але іх там не павінна было быць, піша «Зеркало».

Сярод іншага гэта жанчына з дзіцем да 7 гадоў, агароднікі і тыя, хто працуе ў краінах ЕАЭС - Арменіі, Казахстане, Кыргызстане і Расеі.

«Дармаеды» цяпер аплачваюць поўнымі тарыфамі некаторыя жыллёва-камунальныя паслугі - ацяпленне, гарачую ваду і газ. Кошт першых двух паслуг для «утрыманцаў» у 5,5 разы вышэй, чым для астатняга насельніцтва.

Пры гэтым чыноўнікі не пакінулі ідэю ўвесці для «дармаедаў» абмежаванні ў бясплатнай медыцыне.

Нагадаем, летась увялі змяненне для беларусак, якія выхоўваюць дзіця да сямі гадоў або ў якіх трое і больш непаўналетніх дзяцей. Каб не лічыцца “дармаедамі”, цяпер трэба фактычна пражываць у Беларусі - гэта значыць знаходзіцца за межамі краіны не больш за 30 дзён на працягу аднаго квартала (як і ў выпадку з агароднікамі). Выключэнне - выезд за мяжу на лячэнне або аздараўленне.

Агароднікаў і садаводаў не ўключаюць у базу "утрыманцаў" (калі толькі яны не выязджаюць за мяжу больш чым на 30 дзён на працягу аднаго квартала), як і студэнтаў, якія навучаюцца ў Беларусі.

А што да працоўных у ЕАЭС, усялякая занятасць у гэтых краінах вызваляла ад “дармаедства”. Але з 1 лютага 2024 года - толькі праца паводле працоўнай дамовы або кантракту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com