Сіноптыкі абвясцілі ў адной з абласцей штармавое папярэджанне

Чарговае вясновае пахаладанне прыйшло ў Беларусь.

Чарговае вясновае пахаладанне прыйшло ў Беларусь. Першымі яго адчулі жыхары Віцебскай і Гарадзенскай абласцей, а ў суботу, 26 красавіка, тэмпература значна знізіцца і ў іншых рэгіёнах краіны.

Уначы 26, 27 і 28 красавіка на большай частцы Прынямоння чакаюцца замаразкі. У суботу да -3, у нядзелю і панядзелак да -4.

Зусім не горача будзе і ў дзённыя гадзіны. У суботу, 26 красавіка, і ў нядзелю, 27 красавіка, па вобласці тэмпература будзе вагацца ад +6 да +13. У панядзелак, 28 красавіка, удзень прагназуецца +13+18. Ападкаў не чакаецца.

Цяперашні красавік увогуле здзіўляе сваімі капрызамі, то апускаючы слупок тэрмометра ўначы да зімовых мінусаў, то падымаючы ў дзённыя гадзіны да ліпеньскага плюсу.

Праўда, сіноптыкі гавораць, што такія тэмпературныя «арэлі» для красавіка нельга назваць зусім ужо анамальнымі, а замаразкі для яго даволі частая з'ява.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com