Борыс Джонсан жорстка раскрытыкаваў «мірны план» Трампа

У мірным пагадненні няма нічога, што можа «спыніць трэцяе расейскае ўварванне».

Экс-прэм'ер-міністр Вялікай Брытаніі Борыс Джонсан раскрытыкаваў ідэі прэзідэнта ЗША Дональда Трампа наконт «мірнага плана» заканчэння вайны краіны-агрэсаркі Расеі ва Украіне, якія напярэдадні публікавалі СМІ. Сваё меркаванне ён выказаў у сацсетцы X 24 красавіка.

Са слоў Джонсана, нелегітымны прэзідэнт РФ Уладзімір Пуцін «без разбору» забівае ўсё больш украінцаў. Дарэчы, экс-прэм'ер узгадаў і расейскую атаку на Кіеў 24 красавіка, у выніку якой загінулі і атрымалі раненні больш за 100 чалавек.

Putin indiscriminately butchers more Ukrainian civilians, killing and injuring 100 in Kyiv including children. And what is his reward under the latest peace proposals?

1. The right to keep sovereign Ukrainian territory he has taken by violence and in breach of international…

— Boris Johnson (@BorisJohnson) April 24, 2025

Ён нагадвае, што Пуцін гвалтам забраў суверэнную ўкраінскую тэрыторыю з парушэннем міжнароднага права, забараняе ўступіць у NATO, дамагаецца зняцця санкцый з РФ і аднаўляе эканамічныя сувязі паміж Масквой і Вашынгтонам. Акрамя таго, як дадае палітык, у Расеі ёсць «шанец аднавіць свае ўзброеныя сілы для наступнай атакі праз некалькі гадоў».

«Наконт Украіны - што яна атрымае пасля трох гадоў гераічнага супраціву супраць жорсткага і несправакаванага ўварвання? Якая іхная кампенсацыя за жахлівыя ахвяры, на якія яны пайшлі, дзеля, як ім бясконца паўтараюць, свабоды і дэмакратыі ва ўсім свеце? Апроч права дзяліцца сваімі прыроднымі рэсурсамі са Злучанымі Штатамі, яны не атрымліваюць нічога», - піша экс-прэм'ер.

Ён адзначае, што ў мірным пагадненні няма нічога, што можа «спыніць трэцяе расейскае ўварванне».

«Калі мы хочам прадухіліць новыя зверствы з боку Пуціна, мы павінны мець доўгатэрміновую, надзейную і перш за ўсё належным чынам прафінансаваную гарантыю бяспекі для Украіны - гарантыю, выдадзеную Вялікай Брытаніяй, ЗША і ўсімі заходнімі супольнікамі», - дадае Джонсан.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com