Перамовы Пуціна і Уіткафа ў Крамлі закончыліся

Сустрэча доўжылася прыкладна тры гадзіны.

Дыктатар Расеі Уладзімір Пуцін і спецпасланнік амерыканскага прэзідэнта Стыў Уіткаф закончылі перамовы. Сустрэча доўжылася прыкладна тры гадзіны.

Згодна з кадрамі з сустрэчы, якія распаўсюдзіў Крэмль, у перамовах таксама ўдзельнічалі памочнік расейскага кіраўніка Юрый Ушакоў і спецпрадстаўнік кіраўніка дзяржавы ў інвестыцыйна-эканамічным супрацоўніцтве, кіраўнік РФПІ Кірыл Дзмітрыеў. З апошнім Уіткаф сустрэўся да гэтага асобна.

Ушакоў адзначыў, што ў перамоў быў "канструктыўны" і "вельмі карысны характар". Паводле ягоных слоў, размова ішла ў тым ліку аб магчымасці аднаўлення прамых перамоў паміж Масквой і Кіевам.

Спецпрадстаўнік Дональда Трампа прыляцеў у Маскву раніцай 25 красавіка. Да гэтага Уіткаф і Пуцін сустракаліся тройчы: 11 лютага і 13 сакавіка ў Маскве, а таксама 11 красавіка ў Санкт-Пецярбургу. Па выніках апошняй сустрэчы Пяскоў пацвердзіў, што Пуцін і Уіткоф абмяркоўвалі "аспекты ўкраінскага ўрэгулявання", але папярэдзіў - тэма "вельмі складаная" і чакаць вынікаў "імгненна" не варта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com