«Неадкладна!»: Трамп запатрабаваў, каб караблі ЗША бясплатна праходзілі па Панамскім і Суэцкім каналах
26- 27.04.2025, 9:05
- 12,486
Дзяржсакратару Марка Рубіё даручана разабрацца ў сітуацыі.
Прэзідэнт Злучаных Штатаў Дональд Трамп выставіў чарговыя прэтэнзіі наконт Панамскага і Суэцкага каналаў. З яго слоў, амерыканскія караблі павінны праходзіць праз гэтыя каналы зусім бясплатна.
Ён падкрэсліў, што размова ідзе як аб вайсковых, так і аб камерцыйных суднах. Пра гэта Трамп заявіў у сацыяльнай сетцы Truth Social.
З яго слоў, ні Панамскі, ні Суэцкі каналы не маглі б існаваць без Злучаных Штатаў. Таксама амерыканскі прэзідэнт падкрэсліў, што папрасіў дзяржсакратара Марка Рубіё неадкладна разабрацца з гэтай сітуацыяй.
«Амерыканскім суднам, як вайсковым, так і камерцыйным, варта дазволіць бясплатны праход праз Панамскі і Суэцкі каналы! Гэтыя каналы не існавалі б без Злучаных Штатаў Амерыкі. Я папрасіў дзяржсакратара Марка Рубіё неадкладна разабрацца з гэтай сітуацыяй і ўрэгуляваць яе», - напісаў Трамп.
Панамскі канал здольны прапускаць да 50 суднаў за дзень. Штогод праз яго праходзяць амаль 14 тысяч суднаў, якія нясуць блізу 280 млн тон грузу, што складае да 5% сусветных акіянскіх грузаперавозак. Зборы за праход па канале афіцыйна спаганяюцца Адміністрацыяй Панамскага канала - дзяржаўнай установай Панамы. Сума збору з кантэйнеравозаў разлічваецца ў залежнасці ад іх ёмістасці, выяўленай у дваццаціфутавым эквіваленце (TEU).
Сума аплаты з іншых суднаў вызначаецца ў залежнасці ад іх водазмяшчэння. На 2006 год стаўка збору складала 2,96 даляра за адну тону да 10 тысяч тон, 2,90 даляра за кожную з наступных 10 тысяч тон і 2,85 даляра за кожную наступную тону. Кошт праходу судна на 10 тысяч марскіх кантэйнераў можа дасягаць 300 тысяч даляраў і больш.
Суэцкі канал размешчаны ў Егіпце, злучае Міжземнае і Чырвонае мора. Зона канала ўважаецца за ўмоўную мяжу паміж двума мацерыкамі, Афрыкай і Еўразіяй. Канал дазваляе воднаму транспарту праходзіць у абодва бакі паміж Еўропай і Азіяй, не абгінаючы Афрыку. Да адкрыцця канала судны разгружалі, і грузы перавозілі ад мора да мора па сушы.
Каналам кіруе Адміністрацыя Суэцкага канала. Гэта дзяржаўны орган, які быў заснаваны ў Егіпце ў 1956 годзе, каб замяніць Кампанію Суэцкага канала ў 1950-х гадах, што прывяло да Суэцкага крызісу. Пасля таго, як ААН умяшалася, Егіпет пагадзіўся выплаціць мільёны даляраў акцыянерам нацыяналізаванай Кампаніі Суэцкага канала. Плата за праезд па Суэцкім канале можа вар'явацца ад 400 да 700 тысяч даляраў ЗША за судна.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
