У адміністрацыі Трампа ўпотай плануюць новыя перамовы з КНДР
5- 27.04.2025, 20:22
- 2,706
Аднак Кім Чэн Ын наўрад ці сур'ёзна разглядае ідэю перамоваў пра дэнуклеарызацыю.
Адміністрацыя прэзідэнта ЗША Дональда Трампа негалосна праводзіць дыскусіі і кансультацыі са знешнімі экспертамі, разглядаючы варыянты патэнцыйнага аднаўлення дыялогу з Паўночнай Карэяй.
Пра гэта паведамляе Axios у нядзелю, 27 красавіка, спасылаючыся на высокапастаўленага амерыканскага чыноўніка і яшчэ тры крыніцы, знаёмыя з дыскусіямі.
Як адзначаецца ў матэрыяле, Трамп даў зразумець, што хацеў бы аднавіць сувязь з лідарам КНДР Кім Чэн Ынам, і каманда ў нацыянальнай бяспецы ЗША рыхтуецца да такога сцэнара.
Паводле словаў старэйшага навуковага супрацоўніка Інстытута Брукінгса Эндру Ё, «абмеркаванні за зачыненымі дзвярыма» з удзелам экспертаў аналітычных цэнтраў, цяперашніх і былых амерыканскіх чыноўнікаў сведчаць, што адміністрацыя прэзідэнта ЗША разглядае розныя сцэнары яшчэ адной сустрэчы Трампа і Кіма.
У матэрыяле сказана, што на мінулым тыдні амбасадар Швэцыі ў Паўночнай Карэі, які прадстаўляе інтарэсы ЗША, наведаў Вашынгтон для кансультацый з амерыканскімі чыноўнікамі і экспертамі. Адна з крыніцаў Axios паведаміла, што мэтай ягонага візіту было ў асноўным высветліць настроі ў Вашынгтоне датычна ўзаемадзеяння з Пхеньянам.
Паводле словаў дырэктара карэйскай праграмы Stimson Center Джэні Таун, Паўночная Карэя даўно не выказвае зацікаўленасці ў перамовах з ЗША.
«Апошнім часам іх пазіцыя стала менш негатыўнай датычна перспектываў перамоваў, хоць нічога станоўчага яны таксама не казалі», – адзначыла Таўн.
У той самы час былы высокапастаўлены амерыканскі чыноўнік зазначыў, што гатоўнасць КНДР да супрацоўніцтва з ЗША будзе залежаць ад характару размовы.
Як адзначыў былы чыноўнік, Кім Чэн Ын наўрад ці сур'ёзна разглядае ідэю перамоваў пра дэнуклеарызацыю, на чым былі засяроджаныя мінулыя перамовы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
