У ААН адказалі на заяву Крамля пра трохдзённае «замірэнне»
8- 29.04.2025, 11:35
- 15,256
Пазіцыя застаецца нязменнай.
Учора кіраўнік Крамля Уладзімір Пуцін абвясціў пра трохдзённае «замірэнне» ў траўні. У ААН падкрэслілі, што хочуць бачыць заканчэнне вайны ва Украіне.
Пра гэта заявіў прэс-сакратар Генеральнага сакратара ААН Стэфан Дзюжарык, паведамляе «Укрінфарм».
Ён адзначыў, што заканчэнне вайны павінна адбывацца на аснове міжнароднага права і Статута ААН.
«Наша пазіцыя застаецца нязменнай: мы хочам бачыць заканчэнне вайны... Яно павінна быць прынцыповым і паслядоўным, і цвёрда грунтавацца на Статуце ААН, міжнародным праве і ўсіх адпаведных рэзалюцыях», — сказаў Дзюжарык.
Прадстаўнік ААН дадаў, што мір павінен быць устойлівым і прадугледжваць прызнанне суверэнітэту і тэрытарыяльнай цэласнасці Украіны.
Таксама ён адзначыў, што Арганізацыя Аб’яднаных Нацый цэніць усе намаганні для спынення вайны, якія адпавядаюць яе даўняй і неаднаразова выказанай пазіцыі.
Адказваючы на пытанне пра ўдзел паўночнакарэйскіх вайскоўцаў у вайне Расеі супраць Украіны, што раней пацвердзілі як Масква, так і Пхеньян, Дзюжарык каротка заявіў:
«Думаю, што ўсялякая інтэрнацыяналізацыя канфлікту — гэта рух у няправільным кірунку», — сказаў ён.
Чарговае «замірэнне» Пуціна
Нагадаем, учора расійскі дыктатар Уладзімір Пуцін «з гуманітарных меркаванняў» абвясціў пра часовае замірэнне ў вайне супраць Украіны ў дні 80-годдзя «Дня Перамогі».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
