Чарнагорыя перагледзіць выдачу ганаровых грамадзянстваў

Нагодай стала справа супраць бізнэсмэна з Косава, які атрымаў «залаты пашпарт».

Прэм'ер-міністр Чарнагорыі Мілойка Спаіч абвясціў, што ў найбліжэйшыя дні ініцыюе перагляд прысвоеных замежнікам ганаровых грамадзянстваў, паведамляе RTCG.

Ганаровае грамадзянства Чарнагорыі прысуджаецца выключна на прапанову найвышэйшых дзяржаўных чыноўнікаў і ў тым выпадку, калі гэта мае асаблівае значэнне для інтарэсаў Падгорыцы ў розных сферах.

«Калі апынецца, што ганаровыя грамадзянствы надаюцца як "асабістыя паслугі" або без дакладных крытэраў, гэта падрывае веру грамадзянаў у вяршэнства закона і адкрывае прастору для кліентэлізму і палітычнай карупцыі», – падкрэсліў Спаіч.

Падставай для перагляду пастановаў аб прысуджэнні ганаровых грамадзянстваў стала справа бізнэсмэна з Косава Насера Рамая, якога абвінавачваюць у датычнасці да ўхілення ад выплаты падаткаў на больш як €2 млн, адзначае RTCG.

Прадпрымальнік атрымаў ганаровае грамадзянства Чарнагорыі ў 2023 годзе на прапанову на той момант прэм'ер-міністра краіны Дрытана Абазовіча. Абгрунтаванне заключалася ў тым, што ягоныя інвестыцыі будуць спрыяць стварэнню працоўных месцаў і паўплываюць на «фінансавы і эканамічны прагрэс Чарнагорыі». Пастанову падтрымаў Мінфін краіны, поўная працэдура прысуджэння ганаровага грамадзянства прайшла за два месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com