Навукоўцы стварылі штучны ліст, здольны ператвараць вуглярод у пластык і паліва
9- 29.04.2025, 19:39
- 2,916
Танна і эфектыўна.
Каманда навукоўцаў з Нацыянальнай лабараторыі імя Лоўрэнса ў Берклі здзейсніла прарыў у галіне ўстойлівай энэргетыкі, стварыўшы кампактны штучны ліст, здольны ператвараць вуглякіслы газ у вадкае паліва, выкарыстоўваючы толькі сонечнае святло, паведамляе New Voice.
Гэтае адкрыццё можа кардынальна змяніць будучыню вытворчасці паліва і хімічных рэчываў.
Даследаванне, праведзенае ў рамках ініцыятывы Liquid Sunlight Alliance, дазволіла аб'яднаць намаганні больш як ста навукоўцаў з усяго свету. Прылада, памер якой не перавышае паштовую марку, спалучае ў сабе фотаактыўныя матэрыялы на аснове пераўскіту і каталітычную медзь. Замест хларафілу, як у сапраўдным лісці, тут выкарыстоўваюцца інавацыйныя фотапаглынальнікі і электракаталізатары, старанна змадэляваныя на ўзор прыродных ферментаў, каб кантраляваць складаныя хімічныя рэакцыі.
Галоўнай задачай было ўзнавіць прынцыпы фотасінтэзу ў штучнай сістэме, здольнай эфектыўна выкарыстоўваць сонечнае святло. У ходзе выпрабаванняў удалося дабіцца стабільнага працэсу, у якім CO₂ пераўтворыцца ў малекулы вугляроду, неабходныя для вытворчасці паліва і пластмасаў. Такая ідэя асабліва актуальная для галінаў, якія цяжка перавесці на электрычную энэргію, напрыклад для авіяцыйнага транспарту.
Стваральнікі падкрэсліваюць, што хоць сістэма пакуль працуе ў лабараторных умовах, яе высокая стабільнасць і патэнцыял для маштабавання робяць тэхналогію шматабяцальнай. Паспяховая дэманстрацыя штучнага фотасінтэзу ў такім кампактным фармаце падштурхоўвае навуку да наступнага кроку – камерцыялізацыі працэсаў пераўтварэння сонечнай энэргіі і вуглякіслага газу ў карысныя рэсурсы.
Распрацоўка штучнага ліста, які паўтарае прыродныя працэсы, з'яўляецца адным з найважнейшых крокаў на шляху да стварэння ўстойлівых крыніцаў энэргіі будучыні.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
