Сярэдні ўзровень заробку ў Польшчы працягвае расці

Найбольшыя заробкі зафіксаваныя ў сектары “Інфармацыя і камунікацыя”.

Паводле звестак Галоўнай статыстычнай управы (GUS), у кастрычніку 2024 года сярэдні месячны заробак склаў 8363,69 злотых (блізу 2000 еўраў), паведамляе «Польскае радыё».

Найбольшыя заробкі традыцыйна зафіксаваныя ў сектары "Інфармацыя і камунікацыя", дзе сярэдні ўзровень аплаты працы дасягнуў 13 641,63 злотых (блізу 3260 еўраў).

Аднак статыстыка таксама пацвярджае гендарны разрыў у даходах. Сярэдні заробак мужчын склаў 8660,04 злотых (блізу 2070 еўра), што складае 103,5% ад агульнага сярэдняга ўзроўню. У той жа час жанчыны зараблялі ў сярэднім 8057,24 злотых (каля 1980 еўраў) - 96,3% ад сярэдняга заробку ў краіне.

Пры аналізе ўзроставых груп самыя высокія сярэднія даходы зафіксаваныя ў работнікаў 45-54 гадоў - 8831,55 злотых (каля 2100 еўраў). Самыя высокія заробкі атрымліваюць супрацоўнікі буйных прадпрыемстваў (ад 1000 работнікаў) - 9787,74 злотых (блізу 2340 еўра).

Пры гэтым медыяны заробак, які лепш адлюстроўвае рэальны ўзровень даходаў большасці палякаў, склаў 6856,75 злотых (каля 1641 еўраў) – на 18% ніжэйшы за сярэдні паказчык.

Акрамя таго, паводле GUS, 10% самых нізкааплатных працаўнікоў зарабляюць не больш за 4300 злотых на месяц (блізу 1030 еўра), тады як 10% самых высокааплатных атрымліваюць не менш за 13 372,14 злотых (блізу 3200 еўраў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com