Нацбанку не спадабаўся першакрасавіцкі жарт

Ведамства паскардзілася на дзяржаўныя СМІ.

1 красавіка на сайце «Минск-Новости» з'явілася навіна са спасылкай на прэс-службу Нацыянальнага банка аб тым, што ў Беларусі з'явіцца нацыянальная крыптавалюта «зубр». Натуральна, гэта быў першакрасавіцкі жарт. Аднак ён не спадабалася Нацбанку.

«Жарт, вядома, «удалы». У Нацыянальны банк нават пачалі паступаць званкі грамадзян, якія хацелі набыць «зубра». Вось толькі да рэальнасці гэтая «навіна» не мае аніякага дачынення. Нацыянальны банк не планаваў і не плануе выпуск сваёй крыптавалюты. Калі б такія планы былі, мы абавязкова паведамілі б пра іх на афіцыйным сайце Нацыянальнага банка nbrb.by і, вядома ж, у нашым тэлеграм-канале», - паведамілі ў галоўнай фінансавай установе краіны.

«Што да творчай фантазіі журналістаў, просім калег звярнуць увагу на адзін вельмі важны момант: заўсёды знойдуцца ашуканцы, гатовыя прадаць даверлівым грамадзянам «новую крыптавалюту». Таму заклікаем больш адказна падыходзіць да выбару тэм для першакрасавіцкіх жартаў», - дадалі ў Нацбанку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com