Швэцыя рыхтуе больш як 60 тысяч ядзерных бункераў на выпадак вайны

Праца зойме два-тры гады.

Швэцыя ўкладзе 100 млн. крон (9,2 млн. еўрўа) у рэканструкцыю сховішчаў грамадзянскай абароны праз пагрозу вайны ў Еўропе. З задумы ўладаў, усе 64 тысячы бункераў павінны быць мадэрнізаваныя такім чынам, каб абараніць грамадзян ад ядзернага ўдару, хімічнай і біялагічнай зброі, паведаміла агенцтва ў надзвычайных сітуацыях (MSB). З прагнозаў, праца зойме два-тры гады, піша The Moscow Times.

Швэдская сетка бамбасховішчаў - адна з самых буйных у свеце. Яна здольная змясціць да 7 млн чалавек - 2/3 насельніцтва краіны. На гэты момант распачатая рэканструкцыя 25 буйных бункераў на некалькі тысяч месцаў. У канцы сакавіка прэм'ер-міністр Швэцыі Ульф Крыстэрсан заявіў аб намеры нарасціць абаронныя выдаткі да рэкорднага ўзроўню з часоў халоднай вайны. У рамках новай стратэгіі яны будуць павялічаны да 3,5 адсотка ВУП да 2030 года. Са слоў прэм'ера, мадэрнізацыя войска абыдзецца скарбніцы на 300 млрд крон (каля 28 млрд еўраў).

Швэцыя актывізавала працу для абнаўлення ўзброеных сіл і ўмацавання цывільнай абароны пасля ўварвання Расеі ва Украіну. Тады ж краіна падала заяўку на ўступленне ў NАТО, хаця да гэтага захоўвала нейтралітэт больш як 200 гадоў. Далучэнне адбылося 7 сакавіка 2024 года. Урад і камандзір войскам каралеўства заклікалі грамадзян рыхтавацца да магчымай вайны. Пасля анэксіі Крыма Швэцыя ўжо аднавіла вайсковую павіннасць і рэмілітарызавала сваю выспу Готланд у Балтыйскім моры. Цяпер жа яна паслядоўна павялічвае выдаткі на абарону. У 2025 годзе яны павінны скласці 138 млрд. крон (2,4% ВУП).

У лістападзе MSB распаўсюдзіла сярод насельніцтва брашуры з рэкамендацыямі на выпадак вайны і іншых надзвычайных сітуацый. «Небяспечны свет патрабуе падвышанай гатоўнасці. Вайсковая пагроза Швэцыі ўзрасла, і мы павінны рыхтавацца да горшага - узброенага нападу», - гаварылася ў тэксце. У студзені 2025 года Крыстэрсан заявіў, што Швэцыя «не знаходзіцца ў стане вайны, але і міру таксама няма”, паколькі краіна зазнае гібрыдныя атакі, якія вядуцца "з дапамогай хакераў, грошай, дэзінфармацыі і сабатажу”. “Расейская пагроза, мяркуючы з усяго, доўгатэрміновая. Такая павінна быць і наша абарона”, - падкрэсліваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com