Forbes падлічыў, колькі стратэгічных бамбавікоў Ту-22М засталося ў Расеі

Чарговы быў страчаны ўчора.

За час поўнамаштабнай вайны супраць Украіны Расея страціла амаль 10% свайго парка стратэгічных ракетаносцаў Ту-22М. Пра гэта піша Forbes, аналізуючы ўчорашнюю аварыю аднаго з іх.

Лічыцца, што да ўварвання ва Украіну Раскя мела блізу 60 Ту-22М - абноўленых версій бамбавікоў часоў халоднай вайны, якія нясуць крылатыя ракеты розных тыпаў. Да ўчорашняй катастрофы расейскія ВПС страцілі ўжо чатыры такіх самалёты - адзін разбіўся, адзін быў збіты і два былі знішчаныя або прынамсі моцна пашкоджаныя ўдарам украінскіх беспілотнікаў па аэрадроме.

Акрамя таго серыя налётаў беспілотнікаў на авіябазу Энгельс са студзеня да сакавіка знішчыла вялізны запас крылатых ракет, якія запускалі гэтыя бамбавікі. Кошт страчаных ракет Forbes ацэньвае амаль на 1 мільярд даляраў.

І хаця Ту-22М запускаюць ракеты па Украіне з бяспечнай адлегласці, кожны іх палёт мае пэўныя рызыкі, адзначае аўтар публікацыі. Бо гаворка ідзе аб самалётах, спраектаваных у 1960-х гадах і пабудаваных у 1970-80-х. Ракеты Х-22, хоць і вырабляюцца дагэтуль, таксама спраектаваны ў 1960-х.

«Нішто так не цікава, як палёт са старажытнай ракетай, якая змяшчае ~4 тоны гіпергалічнага паліва», – пажартаваў авіяцыйны эксперт Біл Світман.

Разам з тым Forbes прызнае, што страта пяці Ту22М за больш чым тры гады поўнамаштабнай вайны ніяк не паўплывае на яе ход: у расейцаў яшчэ дастаткова і ацалелых Ту-22М, і бамбавікоў іншых тыпаў, такіх як Ту-95 і Ту-160, каб бамбаваць Украіну ў агляднай будучыні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com